Maharashtra Election: मी शरद पवारांना सोडलेलं नाही; विधानसभा निवडणुकीच्या तोंडावर अजित पवारांचं मोठं विधान

महाराष्ट्र विधानसभा निवडणुकीत अजित पवार आणि त्यांचा पुतण्या युगेंद्र पवार यांच्यात लढत होणार आहे. बारामतीत पवार विरुद्ध पवार अशी प्रतिष्ठेची लढत मानली जाते. यामुळे या निवडणुकांकडे सर्वांचे लक्ष लागले आहे. अजित पवार आणि युगेंद्र पवार यांच्यासाठी आपपल्या पक्षाकडून जोरदार प्रचार केला जात आहे.

दारू पिण्यासाठी पैसे न दिल्यानं जन्मदात्या आईची कुऱ्हाडीनं हत्या, नंतर स्वत:ही केली आत्महत्या

अजित पवार काय म्हणाले?

काहींना असे वाटत असेल की, मी शरद पवारांना सोडायला नको होते. मित्रांनो, मी साहेबांना सोडायले नाही. मी साहेबांना सांगितले होते की, आपण सरकारमध्ये जावे, हे माझे एकट्याचे मत नसून सर्व आमदारांचे मत होते. या ठिकाणी बसलेल्या संभाजी आणि राजवर्धन यांनाही विचारा. राज्य सरकारने मंजूर केलेल्या कामांना स्थिगिती मिळाली होती. लोक मला तर, वेढ्यात काढतील कारण पैसे पाठवले आणि स्थगिती दिली. आता ती स्थगिती मी नव्हती दिली. तेव्हा मी विरोधी पक्षनेता होतो. स्थगिती सरकारने दिली होती', असं अजित पवार यांनी म्हटले आहे.

महाराष्ट्र विधानसभा निवडणुकीसाठी २० नोव्हेंबरला मतदान होणार असून २३ नोव्हेंबर रोजी सर्व २८८ जागांसाठी मतमोजणी होणार आहे. राज्यात महाविकास आघाडी (काँग्रेस, ठाकरे गट, शरद पवार गट) आणि महायुती (भाजप, शिंदे गट, अजित पवार गट) यांच्यात मुख्य लढत आहे. २०२९ च्या महाराष्ट्र विधानसभा निवडणुकीत भाजपला १०५, शिवसेनेला ५६ आणि काँग्रेसला ४४ जागा मिळाल्या होत्या. तर, २०१४ मध्ये भाजपला १२२ जागा, शिवसेनेला ६३ आणि काँग्रेसला ४२ जागा मिळाल्या होत्या. नुकत्याच पार पडलेल्या लोकसभा निवडणुकीत महाविकास आघाडीला मोठे यश मिळाले होते. परंतु, विधानसभा निवडणुकीत जनता कोणाच्या बाजुने कौल देणार, हे येत्या काही दिवसांतच स्पष्ट होणार आहे.