पुण्यात लक्झरी बस आणि ट्रकचा भीषण अपघात! एक ठार, १५ ते २० जण जखमी; पुणे-सोलापूर महामार्गावरील घटना
Pune Daund Accident : पुण्यात अपघातसत्र सुरूच आहे. वाघोली येथील अपघाताची घटना ताजी असतांना आज पुणे सोलापूर मार्गावर एका बस आणि ट्रकचा भीषण अपघात झाला आहे.
Pune Daund Accident : पुण्यात अपघाताचे सत्र सुरूच आहे. वाघोली येथील अपघाताची घटना ताजी असताना पुणे सोलापूर मार्गावर भीषण अपघात झाला आहे. भरधाव वेगातील बस आणि ट्रकची धडक झाली असून यात एक जण ठार तर १५ ते २० प्रवासी जखमी झाले आहेत. ही घटना पहाटे ४ वाजता खडकी येथील विसावा हॉटेल जवळ घडली. हा अपघात नेमका कसा झाला याची माहिती मिळू शकली नाही.
पुण्यातील महामार्गावर अपघात सत्र सुरूच आहे. आज पहाटे झालेल्या अपघातात एका लक्झरी बसने ट्रकला पाठीमागून धडक दिली. यात एकाचा मृत्यू झाला तर इतर प्रवासी जखमी झाले आहे. या अपघातामुळे या मार्गावर वाहतूक कोंडी झाली होती. घटनेची माहिती मिळताच पोलिस अपघातस्थळी आले. त्यांनी जखमी प्रवाशांना तातडीने भिगवण येथील खाजगी रुग्णालयात उपचारासाठी दाखल केले. तसेच अपघातग्रस्त वाहने बाजूला करून या मार्गावरील वाहतूक कोंडी ही पूर्ववत करण्यात आली. अपघातातील जखमींच्या स्थितीवर लक्ष ठेवले असून त्यांचावर उपचार सुरू आहे. अपघातग्रस्त ट्रक व बसच्या वेगामुळे ही घटना घडली असावी अशी माहिती आहे.
नऊ जणांना चिरडल्याप्रकरणी डंपर चालकाला पोलीस कोठडी
वाघोलीमध्ये येथे डंपरने ९ जणांना चिरडले होते. या प्रकरणी पोलिसांनी डंपर चालकाला अटक केली आहे. त्याला कोर्टाने ५ दिवसांची पोलीस कोठडी सुनावली आहे. अपघाताप्रकरणी डंपर चालक गजानन तोटरे याच्यावर वाघोली पोलीस ठाण्यात मनुष्यवधाचा गुन्हा दाखल करण्यात आला असून मृतांच्या नातेवाईकांना पाच लाख रुपयांची मदत, तर जखमींच्या उपचाराचा संपूर्ण शासन करणार आहे.
संबंधित बातम्या