Mhada lottery : म्हाडाच्या ७५०० घरांसाठी याच महिन्यात सोडत; मुंबईसह पुणे, कोकण, छत्रपती संभाजीनगर येथील घरांचा समावेश

राज्यात म्हाडातर्फे नागरिकांना स्वस्त आणि माफक दरात घरे दिली जातात. मुंबई आणि पुण्यात महागडी घरे ही सर्वसामान्य नागरिकांना परवडणाऱ्या नसतात. त्यामुळे म्हाडाच्या घरांना मोठी मागणी असते. दरवर्षी या लॉटरीसाठी मोठ्या प्रमाणात सर्वसामान्य नागरिक अर्ज करत असतात. दरम्यान, म्हाडाच्या प्रत्येक मंडळाची वर्षातून किमान एक तरी लॉटरी काढण्यात येईल अशी माहिती म्हाडाचे उपाध्यक्ष संजीव जयस्वाल यांनी दिली होती. त्यानुसार आचारसंहिता संपताच आता म्हाडा विविध शहरातील लॉटरी काढण्याची तयारी करत आहेत.

Donald Trump : थोडक्यात बचावलो, गोळी कानाला लागली; ट्रम्प यांनी सांगितली आपबीती, हल्लेखोर ठार; घटनेचा व्हिडिओ व्हायरल

ही लॉटरी मुंबईतील १९०० हजार घरांसाठी काढली जाणार आहे. यासाठीची जाहिरात ही २२ जुलैपर्यंत काढली जाण्याची शक्यता आहे. या लॉटरीसाठी अर्ज भरण्यासाठी इच्छुकांना महिनाभर मुदत दिली जाणार आहे. गणेशोत्सवापूर्वी ही सोडत संगणकाच्या माध्यमाने काढली जाणार आहे, असे म्हाडाच्या एका वरिष्ठ अधिकाऱ्याने सांगितले. तर मुंबई सोबतच पुणे, कोकण, संभाजीनगर येथील ५ हजार ६०० घरांच्या विक्रीसाठी जाहिरात देखील प्रसिद्ध केली जाणार आहे.

नव्या लॉटरीत मुंबईत १९०० हजार घरे, तर कोकणात १६००, पुण्यात २५०० तर, छत्रपती संभाजीनगर येथील १५०० घरांची सोडत काढण्यात येणार आहे.

तब्बल ८ हजार किलोमीटर अंतर पायी कापून नाशिकचा तरुण हज यात्रेवरून परतला! पाकने व्हिसा नाकारल्यामुळे इराणहून केला प्रवास

या पूर्वी देखील म्हाडाने काढल्या सोडती

गेल्या वर्षी देखील म्हाडाने लॉटरीची सोडत काढली होती. तब्बल पाच हजार घरांची सोडत काढण्यात आली होती. यात पुण्यातील आणि मुंबईतील अल्प आणि मध्यम उत्पन्न गटातील नागरिकांनी या सोडतीसाठी अर्ज केले होते. या सोडतीची लॉटरी गेल्या वर्षी जाहिर झाली होती. आता पुन्हा नव्याने ही सोडत काढण्यात येणार असल्याने आता नागरिकांना पुन्हा महानगरात स्वस्त दरात घर घेण्याची संधि मिळणार आहे.