मराठी बातम्या  /  महाराष्ट्र  /  LS Lok Sabha Election 2024: मुंबईतील ६ पैकी ४ जागांवर महाविकास आघाडीचा महायुतीवर दणदणीत विजय!

LS Lok Sabha Election 2024: मुंबईतील ६ पैकी ४ जागांवर महाविकास आघाडीचा महायुतीवर दणदणीत विजय!

Jun 05, 2024 10:09 PM IST

Lok Sabha Election 2024: मुंबई लोकसभा निवडणुकीत महाविकास आघाडीला मोठे यश मिळाले आ.

मुंबई लोकसभा निवडणुकीत महाविकास आघाडीने मोठे यश मिळवले आहे.
मुंबई लोकसभा निवडणुकीत महाविकास आघाडीने मोठे यश मिळवले आहे.

MVA Trumps Mahayuti In 4 Out of 6 Seats in Mumbai: मुंबईतील सहापैकी चार जागा महाविकास आघाडीने जिंकल्या. तर, शिवसेनेला (उद्धव बाळासाहेब ठाकरे) तीन आणि काँग्रेसला एक जागा मिळाली. मुंबई दक्षिण, मुंबई दक्षिण मध्य आणि मुंबई ईशान्य मतदारसंघात शिवसेनेने विजय मिळवला, तर मुंबई उत्तर मध्य मतदारसंघात काँग्रेसने बाजी मारली. उर्वरित दोन मतदारसंघ महायुतीच्या वाट्याला आले आहे. उत्तर मुंबईची जागा भारतीय जनता पक्षाने तर उत्तर पश्चिम मुंबई ची जागा शिवसेनेने सर्वात कमी फरकाने जिंकली आहे.

ट्रेंडिंग न्यूज

शिवसेनेचे अरविंद सावंत यांनी हॅटट्रिक घेत दक्षिण मुंबई मतदारसंघातून ५२ हजार ६७३ मतांनी विजय मिळवला. त्यांनी मुख्यमंत्री एकनाथ शिंदे यांच्या नेतृत्वाखालील शिवसेनेच्या उमेदवार आणि भायखळ्याच्या आमदार यामिनी जाधव यांचा पराभव केला. राज्यसभेचे माजी सदस्य आणि शिवसेना पक्षप्रमुख उद्धव ठाकरे यांचे निकटवर्तीय अनिल देसाई यांनी शिंदे सेनेचे दोन वेळा विद्यमान खासदार राहिलेले राहुल शेवाळे यांचा ५३ हजार ३८४ मतांनी पराभव केला. देसाई पहिल्यांदाच निवडणूक लढवत होते. मुंबई उत्तर पश्चिम मतदारसंघात मतमोजणीसह दोन्ही शिवसेनेत चुरशीची लढत पाहायला मिळाली. अखेर शिंदे सेनेचे रवींद्र वायकर यांनी विद्यमान खासदार गजानन कीर्तीकर यांचे चिरंजीव शिवसेनेचे उमेदवार अमोल कीर्तीकर यांचा ४८ मतांनी पराभव केला.

मुंबई उत्तर मध्य मतदारसंघात मुंबई काँग्रेसच्या अध्यक्षा वर्षा गायकवाड यांनी भाजपचे उमेदवार माजी विशेष सरकारी वकील उज्ज्वल निकम यांचा १६ हजार ५१४ मतांनी पराभव केला. दरम्यान, केंद्रीय मंत्री आणि भाजपचे ज्येष्ठ नेते पियुष गोयल यांनी उत्तर मुंबई मतदारसंघात काँग्रेसचे उमेदवार भूषण पाटील यांचा ३ लाख ५७ हजार ६०८ मतांनी पराभव केला. इमारतींचा पुनर्विकास, परवडणारी घरे, झोपडपट्टी पुनर्वसन, सार्वजनिक पायाभूत सुविधा आणि सार्वजनिक वाहतुकीत वाढ, आरोग्यसेवा सुधारणे आदी प्रमुख मुद्द्यांवर मुंबईतील उमेदवारांनी पक्षभेद केला.

यंदाच्या निवडणुकीत भाजपप्रणित राष्ट्रीय लोकशाही आघाडीने ५४३ पैकी २९४ जागा जिंकल्या आहेत. विरोधी पक्ष काँग्रेस पक्षाने ९९ जागा जिंकल्या आहेत. परंतु, बहुमतासाठी २७२ जागांची आवश्यकता आहे. २०१४ मध्ये सत्तेत आल्यापासून भाजपला पहिल्यांदाच भाजपला स्वबळावर बहुमत मिळवता आले नाही. २०१४ च्या लोकसभा निवडणुकीत भाजपने २४० जागा जिंकल्या होत्या. तर, २०१९ च्या लोकसभा निवडणुकीत भाजपने विक्रमी ३०३ जागांवर विजय मिळवला होता.

टी-२० वर्ल्डकप २०२४