Lok Sabha Election 2024 : आता लोकसभेसाठी घरबसल्या करू शकता मतदान, असा करा अर्ज

श्रीकांत देशपांडे म्हणाले की, यंदा लोकसभेत ८० वर्षांपेक्षा अधिक आणि दिव्यांग व्यक्तींना घर बसल्या मतदान करण्याचा मूभा देण्यात आली. निवडणुकीच्या दृष्टीने तयारीचा आढावा घेण्यात आला आहे. निवडणुकीमध्ये काही धोरणात्मक बदल झाले आहेत. पहिल्यांदाच घरी बसून मतदान करता येणार आहे.

लोकसभा निवडणुकांची घोषणा लवकरच, ‘या’ तारखेनंतर लागू शकते आचारसंहिता

घरी बसून मतदानाचा प्रयोग यापूर्वी कसबा पोट निवडणुकीत करण्यात आला होता.  निवडणूक जाहीर झाल्यानंतर वृद्ध व दिव्यांग लोकांना १२ ड फॉर्म घरपोच दिला जाईल. त्यांच्याकडून ऑप्शन देऊन जिल्हाधिकाऱ्यांकडे दिला जाईल. मतदान सुरू होण्याअगोदर या लोकांचे मतदान करून घेण्यात येईल. 

कोणीही मतदानापासून वंचित राहू नये यासाठी हा प्रयत्न आहे. व्हिडीओ रेकॉर्ड करून मतदान करता येणार आहे. ५० टक्के पोलीस स्टेशन वेब कास्टिंगला जोडली जाणार आहेत. याची थेट लिंक निवडणूक आयोगाकडे असणार आहे.