Live Blog: चंद्रपूर अपघातातील मृतांच्या कुटुंबीयांना ५ लाखांची मदत जाहीर

नागपूर तसेच आजुबाजूच्या जिल्ह्यात बुधवारी वादळी वाऱ्यासह जोरदार पाऊस झाला. विजेच्या कडकडाटासह जोरदार वादळी वारे आल्याने अनेक ठिकाणी झाडे उन्मळून पडली. यामुळे काही ठिकाणी वाहतूक कोंडी झाली. दरम्यान, गेल्या काही दिवसांपासून नागपुरच्या उष्णतामानात खूप वाढ झाली होती. या पावसामुळे वातवरणात गारवा निर्माण झाला असून उष्णतेपासून नागरिकांना दिलासा मिळाला आहे .

चंद्रपूर-मूल महामार्गावर अजयपूर येथील अपघातात मरण पावलेल्या ९ जणांच्या कुटुंबीयांना मुख्यमंत्री सहायता निधीतून प्रत्येकी ५ लाख रुपये देण्याची घोषणा मुख्यमंत्री उद्धव ठाकरे यांनी केली आहे. अजयपूर गावाजवळ शुक्रवारी रात्री पेट्रोलचा टँकर आणि ट्रकची धडक होऊन लागलेल्या आगीत ९ मजुरांचा भाजून मृत्यू झाला होता.

मनसे अध्यक्ष राज ठाकरे यांनी आज पुणे येथे जेष्ठ विचारवंत व साहित्यिक डॉ. सदानंद मेारे यांची त्यांच्या निवासस्थानी भेट घेतली. यावेळी त्यांची विविध सामाजिक विषयांवर प्रदिर्घ चर्चा झाली.

तेलंगनाची राजधानी हैदराबादमध्ये आणखी एक ऑनर किलिंगची घटना घडली आहे. नीरज पनवर नावाच्या तरुणाने आंतरजातीय प्रेमविवाह केला होता. त्याची चौघांनी चाकूने भोसकून हत्या केली आहे. याप्रकरणी पोलिसात गुन्हा दाखल झाला असून आरोपींचा शोध घेतला जात आहे.

पुण्यात लाल महालात लावणीवर नृत्याचा व्हिडिओ व्हायरल झाल्यानंतर याविरोधात संतप्त प्रतिक्रिया व्यक्त केल्या जात आहेत. राज्याचे गृहनिर्माण मंत्री जितेंद्र आव्हाड यांनीसुद्धा संताप व्यक्त केला आहे. तर पोलिसांनी या प्रकरणी तिघांविरोधात गुन्हा दाखल केला आहे.

लावणी नृत्याचं चित्रीकरण केल्याबद्दल पुण्यात अखिल भारतीय मराठा महासंघाकडून लाल महालाचं शुद्धीकरण. विना परवानगी चित्रीकरण केल्याप्रकरणी फरासखाना पोलीस ठाण्यात गुन्हा दाखल करण्यात आला आहे.

कर्नाटकात गाडी झाडावर आदळून ७ जणांचा मृत्यू झाला आहे. या दुर्घटनेत १० जण जखमी झाल्याची माहिती समोर आली आहे. धारवाडमध्ये लग्नाला गेलेल्या २१ जणांच्या वाहनाचा अपघात झाला. या अपघाताची नोंद पोलिसात झाली असून अधिक तपास केला जात आहे.

K'taka | Seven people died after their vehicle hit a tree in Nigadi,Dharwad last night; 10 people injured. 21 people were travelling to Benkankatti in the vehicle, after attending a wedding

Police say "Investigation on. Case registered u/s 304 A IPC(causing death by negligence)" pic.twitter.com/JVdHfdL0vk

— ANI (@ANI) May 21, 2022

बिहारमध्ये वीज पडून वेगवेगळ्या ठिकाणी ३३ जणांचा मृत्यू झाल्याची घटना घडली आहे. पंतप्रधान नरेंद्र मोदी यांनी या घटनेबद्दल शोक व्यक्त केला आहे.

बिहार के कई जिलों में आंधी एवं बिजली गिरने की घटनाओं में कई लोगों की मृत्यु से अत्यंत दुख हुआ है। ईश्वर शोक-संतप्त परिवारों को इस अपार दुख को सहने की शक्ति दे। राज्य सरकार की देखरेख में स्थानीय प्रशासन राहत और बचाव कार्य में तत्परता से जुटा है।

— Narendra Modi (@narendramodi) May 20, 2022

महाराष्ट्रात शुक्रवारी कोरोनाचे ३११ नवे रुग्ण आढळले असून त्यात एकट्या मुंबईतील २३१ रुग्णांचा समावेश आहे. २७० जणांनी कोरोनावर मात केली असून सध्या १७६१ जण उपचार घेत असल्याची माहिती आरोग्य विभागाने दिली आहे.

पेट्रोल डिझेलचे दर गेल्या काही दिवसांपासून स्थिर आहेत. मात्र नुकतीच एलपीजी सिलिंडरच्या दरात वाढ करण्यात आली होती. आता सीएनजीच्या किंमती वाढवण्यात आल्या आहेत. दिल्लीत सीएनजीची किंमत ७५.६१ रुपये प्रति किलोग्रॅम इतकी झाली आहे. तर नोएडा, ग्रेटर नोएडा, गाझियाबादमध्ये सीएनजीची किंमत ७८.१७ रुपये प्रति किलोग्रॅम झाली आहे.