Live News Updates 30 March 2023 : मुख्यमंत्री एकनाथ शिंदेंनी घेतले मुंबादेवीचे दर्शन

महावितरणच्या कृषी वीज धोरणाअंतर्गत व्याज, विलंब आकारात माफी यासह सुधारीत थकबाकीत ३० टक्के सवलतीचा लाभ घेण्यासाठी आता केवळ एक दिवस उरला आहे. उद्या ३१ मार्चला ३० टक्के माफीचीही मुदत संपणार आहे.

Imtiyaz Jaleel on Chhatrapati Sambhaji Nagar Row : छत्रपती संभाजीनगर इथं राम मंदिराबाहेर झालेला राडा व जाळपोळीनंतर शहरातील वातावरण तणावपूर्ण बनलं आहे. अनुचित प्रकार घडू नये म्हणून प्रशासन खबरदारी घेत असून खासदार इम्तियाज जलील थेट राममंदिरात पोहोचले आहेत.

नागपूर शहरात भाजपतर्फे आज रामनवमीनिमित्त बाइक रॅलीचे आयोजन करण्यात आले होते. या रॅलीला राज्याचे उपमुख्यमंत्री देवेंद्र फडणवीस यांनी मार्गस्थ केले.

Imtiyaz Jaleel on Chhatrapati Sambhaji Nagar Row : छत्रपती संभाजीनगर इथं राम मंदिराबाहेर झालेला राडा व जाळपोळीनंतर शहरातील वातावरण तणावपूर्ण बनलं आहे. अनुचित प्रकार घडू नये म्हणून प्रशासन खबरदारी घेत असून खासदार इम्तियाज जलील थेट राममंदिरात पोहोचले आहेत. मंदिराचं कुठलंही नुकसान झालं नसल्याचं त्यांनी म्हटलं असून शांततेचं आवाहन केलं आहे.

छत्रपती संभाजीनगर   शहर पोलिसांनी  मोठी कारवाई करत शहरात येणाऱ्या अवैध गुटख्याच्या गोडाऊनवर छापा टाकला आहे. या कारवाईत तब्बल ८१  लाख ४४  हजारांचा मुद्देमाल पोलिसांनी जप्त केला आहे. वाळूज परिसरातील साजापूरमध्ये ही कारवाई करण्यात आली आहे.

२०१९ मधील दुर्घटनेनंतर मुंबईतील  छत्रपती शिवाजी महाराज टर्मिनस  स्थानकाजवळील हिमालय पादचारी पूल  चार वर्षांनंतर आजपासून  सुरु होणार आहे.  

रस्त्यावरील बालकांना शिक्षणाच्या व समाजाच्या मुख्य प्रवाहात आणण्यासाठी महाराष्ट्र राज्याच्या ‘पथदर्शी फिरते पथक’ या प्रकल्पास केंद्र शासनाने नाविन्यपूर्ण कार्यक्रमांतर्गत मान्यता दिलेली आहे. पथदर्शी फिरते पथक स्थापन करण्यासाठी स्वयंसेवी संस्थांनी प्रस्ताव सादर करावेत, असे आवाहन पुणे जिल्हा माहिला व बाल विकास अधिकारी यांनी केले आहे.

 पुणे जिल्ह्यातील सार्वजनिक वितरण व्यवस्थेतील सर्व शिधापत्रिकाधारकांनी स्वस्त धान्य दुकानदार यांच्याकडून धान्य घेताना आपला भ्रमणध्वनी क्रमांक ई-पॉस मशिनमध्ये अंगठ्याचा ठसा देवून अद्ययावत करण्याचे आवाहन जिल्हा पुरवठा अधिकारी सुरेखा माने यांनी केले आहे. भ्रमणध्वनी क्रमांक अद्यावत केल्यानंतर शिधापत्रिकाधारकांना किती धान्य मिळाले याचा संदेश त्यांच्या भ्रमणध्वनीवर येईल, असेही जिल्हा पुरवठा अधिकारी यांनी कळविले आहे.

आर्थिक वर्षअखेर असल्यामुळे नागरिकांनी वाहन नोंदणी व आकर्षक क्रमांकाबाबतचे शुल्क ३१ मार्च रोजी दुपारी २ वाजेपर्यंत धनाकर्षाद्वारे भरणा करावे. दुपारी २ वा.नंतर धनाकर्ष स्वीकारणे शक्य होणार नसल्याने नागरीकांनी या बाबीची नोंद घेवून गैरसोय टाळावी, असे आवाहन प्रादेशिक परिवहन अधिकारी, पुणे यांनी केले आहे. 

रोटरी युथ एक्स्चेंज डिस्ट्रिक्ट ३१३१ च्या वतीने रविवार दिनांक २ एप्रिल रोजी पिपरी कम्युनिटी सेंटर येथे संध्याकाळी ४ ते ७ वाजता युवकांना रोटरी युथ एक्स्चेंज उपक्रमाची माहिती देण्यासाठी मोफत सेमिनारचे आयोजन केले आहे.

क्रांतीज्योत महिला प्रतिष्ठान युवा कबड्डी सिरीज - आंतर जिल्हा युवा लीग २०२३" यास्पर्धाचा उद्घाटन समारंभ मोठ्या उत्साहात संपन्न झाला. महाराष्ट्र राज्य महिला आयोग अध्यक्षा रुपालीताई चाकणकर, प्रो कबड्डी व आंतरराष्ट्रीय खेळाडू रिशांक देवाडिगा व विशाल माने यांच्या हस्ते उद्घाटन झाले. त्यानंतर महिलांच्या प्रेक्षणीय सामन्यांच्यावेळी विधानसभा आमदार जयंतराव पाटील साहेब प्रमुख पाहुणे म्हणून उपस्थित होते. राजमाता जिजाऊ संघ विरुद्ध महेश दादा स्पोर्ट्स फाउंडेशन यांच्या झालेल्या प्रेक्षणीय सामन्यांत राजमाता जिजाऊ संघाने एकतर्फी विजय मिळवला. मध्यंतरापर्यत २२-०६ अशी आघाडी राजमाता जिजाऊ संघाकडे भक्कम आघाडी होती. मंदिरा कोमकर व सलोनी गजमल यांच्या चतुरस्त्र चढायांच्या समोर महेश दादा स्पोर्ट्स फाउंडेशन संघ मध्यंतराला पर्यत २ वेळा ऑल आऊट झाला. राजमाता जिजाऊ संघाच्या मंदिरा कोमकरने सुपर टेन पूर्ण करत सामना एकतर्फी केला.

माजी महापौर किशोरी पेडणेकर यांना हायकोर्टानं दिलेला दिलासा आज संपणार. कथित एसआरए घोटाळा प्रकरणी तूर्तास आरोपपत्र दाखल न करण्याचे मुंबई पोलिसांना दिले होते निर्देश. मुंबई पोलिसांनी दाखल केलेला गुन्हा रद्द करण्यासाठी किशोरी पेडणेकरांवी हायकोर्टात याचिका दाखल केली आहे त्यावर आज सुनावणी होईल.

बॉलिवूड अभिनेता नवाझुद्दीन सिद्दिकीची आपला भाऊ आणि पत्नी विरोधात मुंबई उच्च न्यायालयात धाव. या दोघांवर दाखल केला १०० कोटी रुपयांचा मानहानीचा दावा. भाऊ शमशुद्दिन सिद्दीकी आणि पत्नी झैनब सिद्दीकी यांनी नवाझबाबत दिशाभूल करणारी वक्तव्यं केल्याचा याचिकेतून आरोप. त्याच्या विरोधातील पोस्ट आणि आर्टिकल बदनामीकारक असून नवाझुद्दीनची सार्वजनिक जीवनात प्रतिमा मलिन केल्याचा याचिकेतूना दावा.

अभिनेत्री अनुष्का शर्मानं विक्रीकर विभागाविरोधात मुंबई उच्च न्यायालयात याचिका दाखल केली आहे. साल २०१२ -१३  आणि २०१३-१४  ची थकबाकी वसूल करण्यासाठी विक्री कर विभागाने बजावलेल्या नोटीसविरोधात अनुष्कानं ही याचिका दाखल केली आहे. दोन्ही वर्षांसाठी आलेल्या दोन स्वतंत्र नोटिसांना अनुष्कानं दोन स्वतंत्र याचिकांद्वारे आव्हान दिलं आहे. या याचिकांवर उत्तर देत प्राप्तीकर विभगानं आपल्या कारवाईचं समर्थन केलं आहे, त्यावर आज सुनावणी होईल.

बॉलिवूड अभिनेता सलमान खानच्या याचिकेवर हायकोर्टाचा आज निर्णय. त्याने तातडीचा दिलासा मागत हायकोर्टात धाव घेतली आहे. एका पादचाऱ्यावर हल्ला करून त्याला धमकावल्या प्रकरणी सलमान आणि त्याच्या बॉडीगार्डवर अंधेरीच्या डीएन नगर पोलीस ठाण्यात दाखल एफआयआर रद्द करण्यासाठी ही याचिका दाखल केली आहे.  

Ram Navmi : आज देशभरात राम नवमीचा उत्साह असून ही नवमी धुमधडाक्यात साजरी केली जात आहे. यानिमित्त अयोध्येत वेगवेगळ्या कार्यक्रमांचे आयोजन करण्यात आलं आहे. तसेच महाराष्ट्रात नागपूर, नाशिक, सातारा, मुंबईसह राज्यभर वेगवेगळ्या ठिकाणी राम नवमी साजरी केली जात आहे.