पुणे जिल्ह्यात बिबट्याची दहशत; शिरूरमध्ये अंगणात खेळत असलेल्या चिमुकल्यावर हल्ला करून केले ठार

शिवतेज समाधान टेंभेकर (वय ४) असे बिबट्याच्या हल्ल्यात मृत्यू झालेल्या मुलाचे नाव आहे. मिळालेल्या माहितीनुसार शिवतेज हा शुक्रवारी त्याचा घरासमोरील अंगणात खेळत होता. यावेळी दबा धरून बसलेल्या बिबट्याने त्याच्यावर हल्ला केला आणि त्याला शेजारील शेतात उचलून नेले. त्याच्या आवाजाने घरातील लोक आणि आजुबाजुचे शेजारी बीबट्याच्या मागे धावले. पण तो पर्यंत या हल्ल्यात मुलाचा दुर्दैवी मृत्यू झाला होता.

ही घटना घडल्यानंतर वनविभगाचे अधिकारी बराच वेळ घटनास्थळी दाखल न झाल्याने स्थानिकांनी मोठा रोष व्यक्त केला आहे.

Maharashtra Weather Update : कोकण, गोव्यासह राज्यातील 'या' जिल्ह्यात पावसाची शक्यता, IMD दिला अलर्ट, थंडी गायब!

बिबट्याचा बंदोबस्त करा! ग्रामस्थांची मागणी

गेल्या महिन्यात १९ ऑक्टोबरला इथुन जवळच असलेल्या गोकुळनगर परिसरात वंश शिंग या मुलावर देखील बिबट्याने हल्ला केला होता. या हल्ल्यात या मुलाचा मृत्यू झाला होता. या घटनेला एक महिना होत नाही तोच ही दुसरी घटना घडली आहे. वन विभागाला एक महिन्यात १४ पिंजऱ्यात एक बिबट्या देखील सापडला नाही त्यामुळे ग्रामस्थ पुन्हा आक्रमक झाले आहेत.

वर्षभरात ८ नागरिकांचा मृत्यू

गेल्या वर्षभरात बिबट्याच्या हल्ल्यात ८ जणांनी आपला जीव गमावला आहे. तसेच अनेक जण बिबट्याच्या हल्ल्यात गंभीर जखमी झाले आहेत. विधानसभा निवडणुकीत देखील बिबट्याचा मुद्दा चांगलाच गाजतोय. 

'तुला कशाचीही गरज नाही, प्लीज मरून जा'! गुगल एआय चॅटबॉटनं विद्यार्थ्याला धमकावत दिलं धक्कादायक उत्तर

ऊसाच्या शेतीमुळे पैदास वाढली 

पुण्यात मोठ्या प्रमाणात ऊसाची शेती केली जाते. ऊसाच्या शेतीमुळे बिबट्याला लपण्यास चांगली जागा मिळते. यामुळे  मोठ्या प्रमाणात बिबट्याची पैदास पुणे जिल्ह्यातील जुन्नर, आंबेगाव, शिरूर, भोर, वेल्हा, मुळशी, बारामती, दौंड तालुक्यात वाढली आहे. या सोबतच भटकी कुत्री, कोंबड्या, पशू, पक्षी हे खाद्य देखील त्यांना सहज मिळत असल्याने बिबट्या मानवी वस्तीत प्रवेश करू लागला आहे.