Maharashtra News Live October 12, 2024: Dasara Melava 2024 : अदानी आमची जान आणि आम्ही शेटजींचे श्वान...; उद्धव ठाकरे यांच्या भाषणातील महत्वाचे मुद्दे

Uddhav Thackeray Speech : प्रत्येक राज्यात मंदिर उभारले पाहिजे. केवळ शिवजयंतीला पुतळे पुसायचे एवढ्या पुरते आम्ही मर्यादित नाही. मोदीजी तुम्हाला आणि मिंध्यांना शिवाजी महाराज मतं मिळवणारं यंत्र वाटत असेल. ते काही ईव्हीएम नाही, असा टोला उद्धव ठाकरेंनी लगावला.

Baba Siddique : अजित पवार गटाचे नेते व माजी आमदार बाबा  सिद्दीकी यांच्यावर गोळीबार झाल्याची घटना घडली आहे. मुंबईतील वांद्र पूर्व परिसरातील खेरनगरमधील राम मंदिर परिसरात ही घटना घडली आहे.

Uddhav Thackeray : उद्धव ठाकरे म्हणाले, मोदीजी आणि शिंदे सरकार शिवाजी महाराज म्हणजे मते मिळवण्याचं यंत्र नाही. इव्हीएमसारखा त्याचा वापर करु नका. तुम्हाला माझ्यावर किती टीका करायची ती करा.. महाराजांच्या मंदिराला जो विरोध करेल, त्याला महाराष्ट्र बघून घेईल.

Eknath Shinde : त्यांना माझी दाढी खुपते, पण होती दाढी म्हणून उखडून टाकली तुमची महाविकास आघाडी महाविरोधी आघाडी, अशी टाकी मुख्यमंत्री एकनाथ शिंदे यांनी उद्धव ठाकरे यांच्यावर केली आहे.

Sushma Andhare on Devendra Fadnavis : फडणवीसांनी राज्यात माणसात माणूस ठेवला नाही, जातीत जात ठेवली नाही. राष्ट्रीय स्वयंसेवक संघाचे सरसंघचालक मोहन भागवत यांनी फडवीसांना सल्ला द्यावा, अशी टीका सुषमा अंधारे यांनी केली.

Raj Thackeray on RSS : संघाच्या स्थापनेला ९९ वर्षे पूर्ण झाल्याच्या निमित्ताने विविध राजकीय प्रतिक्रियाही उमटू लागल्या आहेत. दरम्यान, महाराष्ट्र नवनिर्माण सेनेचे अध्यक्ष राज ठाकरे यांनीही या शताब्दी वर्षानिमित्त राष्ट्रीय स्वंयसेवक संघाबाबत मोठे वक्तव्य केलं आहे.

MLA Sulbha Khodke : अमरामती विधानसभेच्या आमदार सुलभा खोडके यांच्यावर काँग्रेस पक्षाने मोठी कारवाई केली आहे. पक्षविरोधी कारवाया केल्याचा ठपका ठेवत सुलभा खोडके यांना पक्षातून सहा वर्षांसाठी निलंबन करण्यात आलं आहे.

Ladki bahin yojana Update : राज्यभरातील महिलांना दिलासा देत मुख्यमंत्री माझी लाडकी बहीण योजनेसाठी अर्ज करण्याच्या मुदतीत वाढ करण्याचा निर्णय घेतला आहे. या योजनेसाठी आता लाभार्थी महिलांना १५ ऑक्टोबरपर्यंत अर्ज करता येणार आहे.

Pankaja Munde Dasara Melava : पंकजा मुंडे खोटे बोलते का? उजेडात एक आणि अंधारात एक असं वागते का? आणि कुणाला घाबरते का? कुणालाही घाबरत नाही. फक्त घाबरते जर या पुढच्या मैदानात माझे भाषण ऐकण्यासाठी लोक नसतील तेव्हा. मी भगवान बाबांना प्रार्थना करेन की असा दिवस येऊ देऊ नका, असं पंकजा मुंडे म्हणाल्या.

Manoj Jarange Patil on Maratha Reservation : ओबीसी प्रवर्गात नव्या १५ जातींचा समावेश करण्याच्या निर्णयावरून मनोज जरांगे पाटील यांनी आज देवेंद्र फडणवीस व छगन भुजबळ यांच्यावर अप्रत्यक्ष टीका केली.

Sanjay Raut On Eknath Shinde : रावणाचे दहन यावेळी अखेरचं दहन असेल. त्यानंतर या महाराष्ट्रात नवीन रावण निर्माण होऊ नयेत, याची काळजी आम्ही घेऊ, असे संजय राऊतांनी म्हटलं.

Manoj Jarange Patil at narayangad dasara melava : बीड जिल्ह्यातील नारायणगडावर मनोज जरांगे पाटील यांच्या नेतृत्वाखाली आज मराठा समाजाचा दसरा मेळावा होत आहे. या मेळाव्यातील भाषणाचे अपडेट्स

CBSE attendance notice to schools : दहावी, बारावीच्या परीक्षेला बसायचं असल्यास संबंधित विद्यार्थ्यांची शाळेत ७५ टक्के उपस्थिती असायला हवी, असं सीबीएसई बोर्डानं स्पष्ट केलं आहे.

Mohan Bhagwat : राष्ट्रीय स्वयंसेवक संघाच्या विजयादशमी मेळाव्याला संबोधित करताना सरसंघचालक मोहन भागवत यांनी ओटीटी प्लॅटफॉर्मवरील कंटेंटवर नियंत्रणाची मागणी केली.

Raj Thackeray Podcast : राज्यातील दसरा मेळाव्यांची चर्चा राजकीय वर्तुळात सुरू असतानाच मनसे अध्यक्ष राज ठाकरे यांनी आज सत्ताधारी व विरोधी पक्षातील राजकीय नेत्यांना लक्ष्य केलं. 

राज्यातील सध्याच्या राजकारणावर विडंबनात्मक भाष्य करणारं '५० खोके एकदम ओके' हे नाटक आज रंगभूमीवर येत आहे. या नाटकाबद्दल प्रचंड उत्सुकता आहे.

chandrakant patil : येत्या १ नोव्हेंबरपासून मुली व महिलांना चार तासांची पार्ट टाइम नोकरी दिली जाईल, अशी घोषणा उच्च व तंत्र शिक्षण मंत्री चंद्रकांत पाटील यांनी केली.

weather updates : हवामान विभागानं महाराष्ट्रासह अनेक राज्यांत पुढील काही दिवस मुसळधार पावसाचा इशारा दिला आहे.