लालबाग हत्याकांडात नवा ट्विस्ट, आईचा शिडीवरून पडून मृत्यू, मग मृतदेहाचे तुकडे का केले?

रिंपल जैनने पोलीस चौकशीत असे म्हटले आहे की, तिची आई वीणा जैन या २७ डिसेंबर २०२२ रोजी शिडीवरून खाली पडल्याने गंभीर जखमी झाली. मात्र, या घटनेच्या दोन दिवसानंतर म्हणजेच २९ डिसेंबरला वीणाचा मृत्यू झाला. आईच्या मृत्यूमुळे ती घाबरली. आईच्या हत्येचा आरोप आपल्यावरच येईल, असे तिला वाटले. यामुळे तिने आईच्या मृतदेहाची विल्हेवाट लावण्यासाठी इंटरनेटची मदत घेतली. मृतदेह २ दिवस घरात ठेवल्यानंतर दुर्गंधी वाढू लागल्यावर पुन्हा इंटरनेटवर वास जाण्यासाठी काय करावे हे तिने शोधले. यानंतर तिने ऑनलाइन चहाची पाने, फिनाईल आणि एअर फ्रेशनर खरेदी करून त्यांचा वापर केला.

Pune Accident: पुण्यात ट्रॅव्हल्स बस १५ फूट खाली कोसळली; ८ प्रवासी जखमी

तसेच मृतदेहाचे तुकडे करण्यासाठी तिने शेजारच्या दुकानातून मार्बल कटर विकत घेतले. एवढेच नव्हेतर मृतदेहाचे तुकडे करण्यासाटी तिने संगमरवरी कटर खरेदी केले. परंतु, मृतदेह पूर्णपणे कापला जात नसल्याने आरोपीने चाकूचाही वापर केल्याचे चौकशीत म्हटले आहे.

या प्रकरणी पोलिसांनी इमारतीच्या तळमजल्यावरील रेस्टॉरंटमधील एका कर्मचाऱ्याची चौकशी केली. आरोपीची आई खाली पडल्यानंतर तिला पहिल्या मजल्यावर घेऊन जाण्यास या कर्मचाऱ्याने मदत केली होती. त्यावेळी वीणा जैन या श्वास घेत नसल्याचे कर्मचाऱ्याने आरोपीला सांगितले. मात्र, त्यावेळी आरोपीने मी मॅनेज करते म्हणाली, असेही कर्मचाऱ्याने म्हटले आहे.