राज्यात लाडकी बहीण योजनेची चर्चा मात्र बारामतीत ‘लाडकी सुनबाई’ योजनेची हवा! पोस्टर व्हायरल

मुख्यमंत्री लाडकी बहीण योजना गेल्या दोन महिन्यापासून चर्चेत आहे. यावरून बारामतीमधील एका हॉटेल चालकाने अनोखी शक्कल लढवली आहे. बारामतीमधील हॉटेल व्यावसायिक आनंद जाधव यांनी लाडकी सुनबाई योजना आणली आहे. मात्र या योजनेच्या लाभासाठी त्यांनी अटी ठेवल्या आहेत.

शेतकऱ्यांना दिलासा..! मुख्यमंत्री बळीराजा मोफत वीज योजनेतून 'या' शेतकऱ्यांचं वीजबील होणार माफ

विशेष म्हणजे कुटूंबीय या हॉटेलमध्ये जेवायला गेल्यावर केवळ सूनबाईला जेवण मोफत मिळणार आहे. लाडकी सुनबाई योजनेत सासुबाईच्या जेवणावर सुनबाईचे जेवण मोफत मिळणार आहे. विशेष म्हणजे जी थाळी सासूबाईंना घेतली आहे, तीच थाळी सूनबाईंना मोफत मिळणार आहे. यासाठी घरातील कमीत कमी पाच लोकांनी एकत्र जेवायला येणे आवश्यक आहे. त्यात सासूबाई असणे तर अनिवार्य आहे. हॉटेलच्या प्रसिद्धीसाठी तसेच गिऱ्हाईक वाढवण्यासाठी ही अनोखी शक्कल लढवली आहे.

लाडकी सून’ योजना सुरू करा,थेट मंत्री पत्नीची मागणी –

सरकारने ‘लाडकी बहीण’ योजना आणली, तशीच आता ‘लाडकी सून’ योजना आणावी. अशी योजना आली तर जगातील सर्वच महिला या योजनेचं स्वागत करतील. सरकारने ‘लाडकी सून’ योजना सुरू करावी. अशी मागणी मंत्री दिलीप वळसे पाटलांच्या पत्नी किरण वळसे पाटील यांनी केली. ही योजना आली तर सुनांचं नशीब उजळेल. असं म्हणत या योजनेला राज्यातीलचं नव्हे तर जगातील सगळ्याच महिलांची संमती राहील, असा विश्वास किरण वळसे पाटील यांनी व्यक्त केला आहे. पुण्यातील मंचरमध्ये सरकारने लागू केलेल्या विविध योजनांच्या लाभार्थ्यांना मंजुरी आदेश वाटप कार्यक्रमात त्या बोलत होत्या.

किरण वळसे पाटील म्हणाल्या की, प्रत्येक मुलगी हे कधी न कधी सून होतेच अन् त्याचं सूनेचं दुःख कोणाला कळत नाही. ‘लाडकी सून’ योजना आली तर आपलं नशीब उजळेल,असंही किरण वळसेंनी आवर्जून नमूद केलं.