हृदयद्रावक.. कोल्हापुरात चित्री नदीत बुडून एकाच कुटूंबातील तिघांचा मृत्यू

मिळालेल्या माहितीनुसार आजरा येथून जवळच्या अंतरावर असलेल्या चित्री नदीवरील परोली बंधाऱ्यात पोहायला गेलेल्या तिघांचा बुडून मृत्यू झाला. यापैकी दोघांचे मृतदेह सापडले असून एकाचा शोध सुरू आहे. ॲड. रुझारीओ अंतोन कुतिन्हो (वय ४०), फिलीप अंतोन कुतिन्हो (वय ३६) आणि लॉईड पास्कोन कुतिन्हो (वय ३०) अशी त्यांची नावे आहेत.

मुंबई विमानतळावर १०० प्रवासी १६ तास अडकून पडले; सकाळी ७ च्या फ्लाईटचे रात्री ११ वाजता टेक ऑफ, कारण आलं समोर

नाताळ सणाची सुट्टी असल्याने रविवारी दुपारी आजरा शहरातील कुतीन्हो कुटुंबातील तिघेजण पोहण्यासाठी चित्री नदीवरील परोली बंधाऱ्यावर गेले होते. मात्र पाण्याच्या खोलीचा अंदाज न आल्याने तिघेही बुडाले. ही घटना समजताच कासारकांडगाव येथील ग्रामस्थांनी बंधाऱ्य़ाकडे धाव घेत शोधमोहीम सुरू केली. बंधाऱ्यावर मोठ्या प्रमाणात गर्दी झाली होती. दोघांचे मृतदेह सापडले असून एकाचा शोध सुरू आहे. आजरा पोलीस ठाण्यात याची नोंद झाली आहे.