Maharashtra Politics : समरजित घाटगे यांनी प्रोफाईलवरून हटवलं ‘कमळ’; शरद पवारांच्या नेतृत्वात लवकरच फुंकणार ‘तुतारी’?

महायुतीच्या मेळावा सुरू होण्याआधीच समरजित घाटगे यांनी कमळ हटवल्यामुळे जिल्ह्यात वेगवेगळ्या चर्चांना उधाण आलं आहे. दरम्यान समरजित घाटगे यांनी शुक्रवारी शाहू कारखाना परिसरात कार्यकर्त्यांचा मेळावा बोलावला आहे,त्यामध्ये समरजित घाटगे यांच्या शरद पवार गटात प्रवेशाची घोषणा होऊ शकते.

याआधी भाजपचे राज्यसभा खासदार मुन्ना उर्फ धनंजय महाडिक यांनी बुधवारी समरजित घाटगे यांच्या घरी जाऊन त्यांची मनधरणी करण्याचा प्रयत्न केला होता. त्यानंतर धनंजय महाडिक यांनी माध्यमांना सांगितले की, आम्ही समरजीत घाडगे यांची समजूत काढण्याचा प्रयत्न केला. त्यांना एकदा देवेंद्र फडणवीसांची भेट घेऊन चर्चा करावी. पक्षातच रहावे काही ना काही मार्ग निघेल असे सांगितले आहे. इतक्या लवकर पक्ष सोडण्याचा निर्णय न घेता आणखी काही राजकीय घडामोडी विधानसभा निवडणुकीपर्यंत घडतात का?याचा अंदाज घेऊन मगच निर्णय घ्यावा,असं भाजपचं मत आहे. मात्र ज्या पक्षांचा आमदार तेथे त्यांनाच तिकीट देण्याचा निर्णय झाल्यामुळे त्यांचा नाईलाज आहे. त्यांनी गेल्या ८ वर्षापासून मतदारसंघात तयारी केली आहे.

अजित पवार गटाकडून कागल मतदारसंघात हसन मुश्रीफ यांना उमेदवारी जाहीर केल्यामुळे विधानसभा निवडणुकीत कागलमधून तिकीट मिळण्याची शक्यता कमी असल्याने समरजितसिंह घाटगे भाजपला रामराम करण्याच्या तयारीत आहेत. ३ सप्टेंबरला शरद पवारांच्या उपस्थितीमध्ये कागलमधल्या मेळाव्यात घाटगे पक्षप्रवेश करतील, अशी चर्चा सुरू आहे.

Sharad Pawar : “त्यांना ऑथेन्टिक माहिती मिळावी, म्हणून मला झेड प्लस सुरक्षा दिली”; शरद पवारांना वेगळाच संशय

गेल्या निवडणुकीत समजजीत घाडगेंनी अपक्ष निवडणूक लढत ८८ हजाराहून अधिक मतं मिळवली होती.  त्यावेळी शिवसेनेच्या उमेदवारानेही चांगली मते मिळवली होती. तिरंगी लढत झाल्यानं मुश्रीफ विजयी झाले होते. मात्र आता जर थेट लढत झाली तर तुल्यबळ मुकाबल्याची अपेक्षा आहे. मुश्रीफ यांनी सत्ताधारी पक्षात सामील होण्याचा निर्णय घेऊन मंत्रिपद मिळवले होते, तेव्हा घाटगे १० दिवस नॉट रिचेबल झाले होते. त्यांची पत्नीही कागलमधून निवडणूक लढण्यास इच्छुक असल्याचे बोलले जात आहे.