मराठी बातम्या  /  महाराष्ट्र  /  Kalyan murder news : दारू पार्टीत मित्राला शिवीगाळ करणे बेतले जिवावर! रागाच्या भरात गोळ्या घालून एकाची हत्या

Kalyan murder news : दारू पार्टीत मित्राला शिवीगाळ करणे बेतले जिवावर! रागाच्या भरात गोळ्या घालून एकाची हत्या

Ninad Vijayrao Deshmukh HT Marathi
Jan 10, 2024 11:15 AM IST

Kalyan murder news : कल्याण येथे दारू पार्टी दरम्यान, मित्राने शिवी दिल्याने त्याला एकाने गोळ्या घालून ठार केल्याची धक्कादायक घटना उघडकीस आली आहे. टीटवाळा पोलिसांनी दोघांना अटक केली आहे.

Kalyan murder news
Kalyan murder news

Kalyan Crime News : कल्याण येथे एक धक्कादायक घटना उघडकीस आली आहे. दारू पार्टीत एका छोट्याशा गोष्टीवरून शिविगाळ करणे एकाच्या जीवावर बेतले आहे. दारू पितांना शिवी दिल्याने संतापलेल्या मित्राने आपल्या मित्राचीच गोळ्या घालून हत्या केली. या प्रकरणी टिटवाळा पोलिस ठाण्यात गुन्हा दाखल करण्यात आला असून दोघांना अटक करण्यात आली आहे. तर आणखी दोघे जण फरार आहेत.

Ecuador Gunmen कुख्यात गुंडाच्या समर्थकांचा टीव्ही चॅनेलमध्ये हैदोस; अँकरला उचलून नेले

राजन उर्फ जानू येरकर असे हत्या झालेल्या व्यक्तीचे नाव आहे. रोहित भालेकर, समीर चव्हाण अशी आरोपींची नावे आहेत. त्यांना अटक करण्यात आली आहे. तर परवेज शेख आणि सुनिल वाघमारे हे दोघे आरोपी फरार आहेत. सर्व आरोपी हे सराईत गुन्हेगार आहेत.

भरपूर मुलांना जन्म द्या! मोदी घर बांधून देतील; दोन बायका असलेल्या भाजप मंत्र्याचे धक्कादायक विधान

पोलिसांनी दिलेल्या माहितीनुसार सराईत गुन्हेगार असलेल्या मित्रांनी दारू पार्टी आयोजित केली होती. टिटवाळा ग्रामीण भागातील म्हारळ येथील सूर्यानगर परिसरात हे पाच मित्र दारु पित बसले होते. रोहित भालेकर परवेज शेख, सुनिल वाघमारे, समीर चव्हाण आणि राजन येरकर यांची दारु पार्टी सुरू असताना राजन आणि एकात वाद झाला. सर्व जण एकमेकांना दारूच्या नशेत शिवीगाळ करत होते. या दरम्यान रोहित भालेकर याने परवेजच्या कमरेला असलेल्या देशी कट्टा काढून राजन येरकरवर गोळी झाडली.

या गोळीबारात राजन येरकर गंभीर जखमी झाल्याने त्याचा जागीच मृत्यू झाला. या घटनेची माहिती मिळताच टिटवाळा पोलिसांनी वेगाने हालचाली करत रोहित भालेकर आणि समीर चव्हाण या दोघांना अटक केली. तर परवेज शेख आणि सुनिल वाघमारे हे फरार झाले आहेत. पोलिस त्यांचा शोध घेत आहेत. दरम्यान, या घटनेमुळे म्हारळ परिसरात खळबळ उडाली आहे.

WhatsApp channel