कल्याण : रक्षाबंधनाच्या पूर्वसंध्येला भावाचे शेजारच्या अल्पवयीन मुलीसोबत अश्लील कृत्य, बहिणीने बनवला व्हिडिओ

अजय थापा आणि सपना थापा असे अटक दोघांचे नाव आहे. चुकीच्या मार्गाने जात असताना भावाला योग्य मार्गावर आणण्याची जबाबदारी बहिणीची असते. मात्र, कल्याणमध्ये घडलेल्या घटनेत बहिणीनेच भावाच्या गुन्ह्यात त्याला साथ दिली आहे.

मिळालेल्या माहितीनुसार शेजारची १२ वर्षीय मुलगी घरासमोरील अंगणात खेळत असताना आरोपीने तिला जवळ बोलवून तिच्यासोबत अश्लील चाळे केले. धक्कादायक म्हणजे, भाऊ पीडित मुलीसोबत अश्लील चाळे करत असतानाच ही विकृत घटना बहिण मोबाईलमध्ये चित्रीत करत होती. भावाच्या या विकृत घटनेचा व्हिडिओ तिने बनवला होता.भावा- बहिणीने दोघांनी मिळून परिसरात राहणाऱ्या बारा वर्षीय अल्पवयीन मुलीसोबत अश्लील चाळे केल्याचे तपासात समोर आले आहे.

पीडित मुलीने ही घटना घरी सांगितल्यानंतर तिच्या कुटुंबीयांनी पोलिसांत धाव घेत घडलेला प्रकार सांगितला. कुटुंबीयांच्या तक्रारीनंतर कोळसेवाडी पोलिसांनी याप्रकरणी दोघांविरोधात गुन्हा दाखल करत त्यांना अटक केली आहे. अजय थापा आणि सपना थापा असे अटक दोघांचे नाव आहे. पण या घटनेमुळं परिसरात एकच खळबळ उडाली आहे.