IRCTC साईट पुन्हा ठप्प! महिन्यात तिसऱ्यांना घडली घटना; तात्काळ बूकिंग करतांना प्रवाशांचा मनस्ताप वाढला
IRCTC site down : भारतीय रेल्वेच्या केटरिंग अँड टुरिझम कॉर्पोरेशनची (आयआरसीटीसी) सेवा आज पुना ठप्प झाली. यामुळे नवीन वर्षाच्या निमित्ताने घरी जाण्यासाठी तात्काळ तिकिटे बुक करणाऱ्या लाखो प्रवाशांना याचा फटका बसला.
IRCTC site down : भारतीय रेल्वेच्या केटरिंग अँड टुरिझम कॉर्पोरेशनची (आयआरसीटीसी) सेवा आज पुना ठप्प झाली. यामुळे नवीन वर्षाच्या निमित्ताने घरी जाण्यासाठी तात्काळ तिकिटे बुक करणाऱ्या लाखो प्रवाशांना याचा फटका बसला. या महिन्यात तिसऱ्यांदा आयआरसीटीसीची सेवा ठप्प झाली असून प्रवाशांना तात्काळ तिकीट बुक करण्यात अडचणींचा सामना करावा लागला. पैसे भरण्यापासून ते गाड्यांच्या निवडीपर्यंत युजर्सना अॅप आणि वेबसाईटवर अनेक समस्यांना सामोरे जावे लागले.
डिसेंबर महिन्यातच आयआरसीटीसीची सेवा यापूर्वी दोनवेळा ठप्प झाली आहे. ही साईट आज ठप्प होण्याची ही तिसरी वेळ आहे. युजर्सना बराच वेळ डाउनटाईम मेसेज आयआरसीटीसीच्या साईटवर दिसत होता. अनेक युजर्सनी यावर नाराजी व्यक्त करत सोशल मीडियावर रेल्वेमंत्र्यांना टॅग करत तक्रार केली. यापूर्वी ९ डिसेंबर रोजी हाच मेसेज वेबसाइटवर सुमारे तासभर दिसला होता. यानंतर २६ डिसेंबर रोजी ही घटना घडली होती.
प्लॅटफॉर्मवरील डाउनटाइम मेसेजमध्ये म्हटले आहे की, "सर्व साइट्ससाठी पुढील एक तास बुकिंग आणि कॅन्सलेशन सेवा उपलब्ध नाही. कॅन्सिलेशन किंवा टीआरडी दाखल करण्यासाठी आपण कस्टम केअरला १३९ वर कॉल करू शकता. तिकिट बूक करतांना या संदेशामुळे अडचणी आल्या. याशिवाय अनेक युजर्सना साईट मेंटेनन्स मेसेज दाखवण्यात आला. साइटच्या दुरुस्तीचे काम सुरू आहे, त्यामुळे काही काळ सेवा बंद राहणार आहे. सध्या आयआरसीटीसीकडून यावर कोणतीही प्रतिक्रिया आलेली नाही आणि सेवा बंद होण्याचे कोणतेही कारण समोर आलेले नाही.
वेबसाइटच्या सर्व्हरमध्ये बिघाड, सॉफ्टवेअरमध्ये बिघाड किंवा नेटवर्क कनेक्शनच्या समस्येमुळे वेबसाइट डाऊन झाली असली तरी कधी कधी सणासुदीच्या किंवा सुट्टीच्या काळात जेव्हा ट्रेनचे तिकीट बुक करणाऱ्यांची संख्या खूप जास्त असते, तेव्हा जास्त लोडमुळे वेबसाइट डाऊन होण्याची शक्यता जास्त असते. ही साईट अपडेट करण्यासाठी किंवा सुधारण्यासाठी वेळोवेळी देखभाल केली जाते. हे काम करतांना देखील वेबसाइट काही काळ डाउन राहू शकते. वारंवार या सेवांवर परिणाम होत असल्याने तसेच साईट डाऊन होण्यास मागे सायबर हल्ला कारणीभूत असल्याची भीती अनेक युजर्सना वाटत आहे.
संबंधित बातम्या