Axar Patel: मी १० वर्षांपासून खेळतोय, प्रशिक्षक आणि कर्णधार बदलत राहतात; अक्षर पटेल असं का म्हणाला?

टी. दिलीप हे द्रविडच्या संघातील एकमेव सदस्य आहेत, जे गंभीरच्या क्षेत्ररक्षण प्रशिक्षकपदाच्या कारकिर्दीत कायम आहेत. श्रीलंका दौरा हा नव्या दिसणाऱ्या भारतीय कोचिंग स्टाफची पहिली नेमणूक आहे. गंभीरच्या सपोर्ट स्टाफबाबत बीसीसीआयने अद्याप कोणतीही अधिकृत घोषणा केलेली नाही, पण संघ श्रीलंकेतून परतल्यानंतर अभिषेक नायर, रायन टेन डोशेटेआणि दिलीप यांच्या नेमणुकीवर शिक्कामोर्तब होण्याची शक्यता आहे.

Suryakumar Yadav: श्रीलंकेविरुद्धच्या पहिल्याच टी-२० सामन्यात सूर्यकुमार यादव चमकला; विराटच्या विश्वविक्रमाशी बरोबरी

टी-२० विश्वचषकानंतर रोहित शर्माने टी-२० क्रिकेटमधून निवृत्ती जाहीर केली. यानंतर भारतीय निवड समितीने सूर्यकुमार यादववर कर्णधारपदाची जबाबदारी सोपवली. गेल्या दशकभरापासून संघाचा अविभाज्य घटक असलेला अक्षर म्हणाला की, कर्णधार आणि प्रशिक्षक बदलू शकतात. परंतु, संघ तसाच राहतो. ‘मी १० वर्षांपासून खेळत आहे. मी वेगवेगळ्या प्रशिक्षक आणि कर्णधारांसोबत खेळलो आहे. मला वाटत नाही की, संघात फार काही बदल होईल. जेव्हा आम्ही संघाच्या बैठकीत बोलत होतो, तेव्हा त्यांनीही हेच सांगितले होते की, प्रशिक्षक आणि कर्णधार बदलत राहतात, पण संघ तसाच राहतो आणि जे ११-१५ खेळाडू राहतात.’

पुढे अक्षर म्हणाला की, ‘त्यांनी आम्हाला सांगितले आहे की, आम्ही जसे खेळत आलो आहोत तसे खेळू. साहजिकच प्रशिक्षक आणि त्याचे इनपुट वेगवेगळे असू शकतात. विचार वेगळे असू शकतात, ते तुम्हाला त्यांच्या पद्धतीने सांगत राहतात. पण संघाच्या वातावरणात फारसा बदल झालेला नाही.’

गंभीर-सूर्या युगाची सुरुवात शनिवारी पल्लेकेले येथे श्रीलंकेविरुद्धच्या पहिल्या टी-२० सामन्यात ४३ धावांनी विजय मिळवून झाली. सूर्यकुमार यादवने पूर्णवेळ कर्णधार म्हणून पहिल्याच सामन्यात २६ चेंडूत ५८ धावांची खेळी केली. यादवच्या २०व्या अर्धशतकामुळे भारतीय टॉप ऑर्डरने प्रभावी कामगिरी केली. यशस्वी जयस्वालने २१ चेंडूत ४० तर सलामीवीर शुभमन गिलने १६ चेंडूत ३४ धावा केल्या. ऋषभ पंतने ३३ चेंडूत ४९ धावांची खेळी करत भारताला ७ बाद २१३ धावांपर्यंत पोहोचवण्यास मदत केली.

प्रत्युत्तरात पाथुम निसांकाने ४८ चेंडूत ७ चौकार आणि ४ षटकारांसह ७९ धावांची खेळी केली, पण त्याला फारशी साथ मिळाली नाही आणि श्रीलंकेचा संघ १९.२ षटकांत १७० धावांवर आटोपला. अक्षर पटेलने चार षटकांत ३८ धावांत २ बळी घेतले, तर अर्धवेळ फिरकीपटू रियान परागने खालच्या फळीत धाव घेत आठ चेंडूत पाच धावा देत कारकिर्दीतील सर्वोत्तम तीन गडी बाद केले. दोन्ही संघ रविवारी आणि मंगळवारी पुन्हा खेळतील आणि त्यानंतर तीन एकदिवसीय सामने खेळतील.