भाषा निवडा

विभाग

मराठी बातम्या / महाराष्ट्र / पालकांनो सावधान! पुण्यात अनधिकृत शाळांचे पेव; 'या' बारा शाळा आहेत अनधिकृत

पालकांनो सावधान! पुण्यात अनधिकृत शाळांचे पेव; 'या' बारा शाळा आहेत अनधिकृत

Ninad Vijayrao Deshmukh HT Marathi

Jan 09, 2025 09:39 AM IST

Pune Unauthorized Schools : पालकांसाठी अतिशय महत्वाची बातमी आहे पुणे जिल्ह्यातील तब्बल १२ शाळा या अनधिकृत असल्याचं स्पष्ट झालं आहे.

पालकांनो सावधान! पुण्यात अनधिकृत शाळांचे पेव; 'या' तेरा शाळा आहेत अनधिकृत

Pune Unauthorized Schools : पालकांसाठी अतिशय महत्वाची बातमी आहे. तुम्ही तुमच्या मुलाला घातलेली शाळा ही अधिकृत आहे की नाही हे तपासण्याची वेळ आता आली आहे. कारण जिल्ह्यात अनधिकृत शाळांचे पेव फुटले आहे. जिल्हा परिषदेच्या शिक्षण विभागाने या शाळांची यादी जाहीर केली आहे. तसेच या शाळांवर कारवाई करण्याचे आदेश देखील देण्यात आले आहे. या शाळांमध्ये प्रवेश घेऊ नये असे आवाहन देखील करण्यात आले आहे.

नवीन शैक्षणिक वर्षातील खासगी शाळांमध्ये प्रवेश प्रक्रिया सुरू झाली आहे. पालकांचा खासगी इंग्रजी माध्यमाच्या शाळांमध्ये प्रवेश घेण्याचा आग्रह असतो. अनेकदा शाळा अनधिकृत की अधिकृत याची माहिती नसल्याने पालकांची फसवणूक होते. त्यानंतर शिक्षण विभागाकडून त्या शाळेवर कारवाई केल्यास मुलांच्या शिक्षणाचा प्रश्न निर्माण होतो. त्यामुळे आता शिक्षण विभागाने जिल्ह्यातील शाळांचा सर्वे केला असून यात १२ शाळा या अनधिकृत असल्याचं समोर आलं आहे या शाळांची यादी देखील जाहीर करण्यात आली आहे.

या बाबत माहिती देतांना जिल्हा परिषदेचे शिक्षणाधिकारी संजय नाईकडे म्हणाले, 'पालकांनी पाल्याला प्रवेश घेताना शाळा अधिकृत आहे की अनधिकृत याची माहिती घ्यावी. शाळा अधिकृत असल्याची खातरजमा झाल्यावर शाळेत प्रवेश घ्यावा. पालकांनी शाळेला मान्यता, प्रथम मान्यता, यु डायस, स्वमान्यता आहे की नाही याची खात्री करावी.

तर होणार कारवाई

नाईकडे म्हणाले, जिल्ह्यातील अनधिकृत शाळा तातडीने बंद करण्यात याव्या. या अनधिकृत शाळा जर संस्थांनी सुरू ठेवल्या तर त्यांच्यावर रोज दहा हजार रुपये दंड वसूल केला जाईल. शिवाय पालकांची फसवणूक केली म्हणून कायदेशीर कारवाई देखील केली जाईल. इरादापत्र आणि ज्या शाळांनी स्थलांतराचे प्रस्ताव पाठवले आहेत, अशा शाळांनी शैक्षणिक वर्ष सुरू होण्यापूर्वी मान्यता घेणे बंधनकारक आहे. हवेली, मुळशी या तालुक्यात तसेच पुणे महानगरपालिका आणि पिंपरी चिंचवड महानगरपालिका भागात सुरू असलेल्या अनधिकृत शाळांच्या संदर्भात अधिकाऱ्यांना जबाबदारी निश्चित करण्यात आली असून नागरिकांच्या सोईसाठी प्रत्येक ठिकाणी पालकांना मार्गदर्शन कक्ष स्थापन करण्यात येणार असल्याचेही नाईकडे म्हणाले.

Pune crime: दोन कोटींच्या खंडणीसाठी माजी उपसरपंचाचा खून, मृतदेहाचे तुकडे करून खडकवासला धरणात फेकले