मराठी बातम्या  /  महाराष्ट्र  /  chakan murder : पुण्यात गुन्हेगारीचा कळस! अल्पवयीन गुन्हेगाराने केली मित्राची हत्या; व्हिडिओ व्हायरल

chakan murder : पुण्यात गुन्हेगारीचा कळस! अल्पवयीन गुन्हेगाराने केली मित्राची हत्या; व्हिडिओ व्हायरल

Ninad Vijayrao Deshmukh HT Marathi
Feb 27, 2024 02:24 PM IST

chakan minor criminal murder : पुण्यातील पिंपरी-चिंचवड येथे एका १७ वर्षीय अल्पवयीन गुन्हेगाराने आपल्या अल्पवयीन मित्राची हत्या केल्याने खळबळ उडाली आहे.

pune murder case
pune murder case

Pimpri chinchwad minor criminal murder : पिंपरी-चिंचवड पोलीस आयुक्तालयाच्या हद्दीतील चाकणमध्ये अल्पवयीन गुन्हेगाराने त्याच्या मित्र असलेल्या दुसऱ्या अल्पवयीन गुन्हेगाराची हत्या केल्याने खळबळ उडाली आहे. खून केल्यानंतर आरोपीने या घटनेचा व्हिडिओ त्याच्या इंस्टाग्रामवर स्टोरी ठेवला असून हा व्हिडिओ सोशल मीडियावर व्हायरल होत आहे. याप्रकरणी १७ वर्षीय अल्पवयीन मुलासह त्याच्या साथीदाराला चाकण पोलिसांनी ताब्यात घेतले आहे. ही घटना सोमवारी रात्री साडे अकराच्या सुमारास घडली.

Sundar Pichai : गुगलचे सीईओ सुंदर पिचाई यांची नोकरी जाणार?; प्रसिद्ध उद्योजकाच्या ट्वीटमुळं चर्चेला उधाण

चाकण परिसरात सोमवारी रात्री तीन अल्पवयीन मुले दारू पीत बसले होते. यातील दोघे हे अट्टल आणि रेकॉर्डवरील गुन्हेगार होते. दारू पीत असतांना त्यांच्यात किरकोळ कारणावरून वाद झाला. यावेळी आरोपीसोबत असलेल्या मुलाला हत्या झालेल्या मुलाने कानाखाली लगावली. या गोष्टीचा राग आल्याने त्यांच्यात वाद झाले. हा वाद टोकाला गेल्याने १७ वर्षीय सराईत गुन्हेगाराने डोक्यात दगड घालून त्याच्या मित्राची हत्या केली.

या घटनेचे चित्रीकरण तिसऱ्याने मोबाईलमध्ये केला. दरम्यान, आरोपीने हा व्हिडिओ त्याच्या इंस्टाग्रामवर स्टोरीवर ठेवला. हा व्हिडिओ नंतर सोशल मिडियावर व्हायरल झाला. पोलिसांनी याची दाखल तातडीने तपास करत आरोपीचा शोध घेऊन दोन अल्पवयीन मुलांना अटक केली. दरम्यान, पोलिसांनी या प्रकरणाचा तपास केला असता, हत्या झालेल्या अल्पवयीन मुलावर खुणाचे तर हत्या करणाऱ्या अल्पवयीन मुलांवर पाच ते सहा गुन्हे दाखल असून ते रेकॉर्डवरील गुन्हेगार आहेत.

IPL_Entry_Point

विभाग