Weather Updates: रायगड जिल्ह्यात आज रेड अलर्ट; मुंबई, ठाणे, पालघर, रत्नागिरी आणि सिंधुदुर्गात जोरदार पावसाचा इशारा
Maharashtra Weather Updates: आज रायगड जिल्ह्यात रेड अलर्ट देण्यात आला आहे. तर, मुंबई, ठाणे, पालघर, रत्नागिरी आणि सिंधुदुर्गात जोरदार पाऊस पडेल, असा अंदाज हवामान विभागाकडून वर्तवण्यात आला आहे.
Weather News: महाराष्ट्रात गेल्या दोन दिवसांपासून पावसाने धुमाकूळ घातला आहे. मुंबईसह शेजारच्या जिल्ह्यांमध्ये वादळ आणि विजांच्या कडकडाटासह मुसळधार पाऊस पडत आहे. याच पार्श्वभूमीवर हवामान विभागाने आज रायगडसाठी ऑरेंज अलर्ट जारी केला आहे. तर, मुंबईसह, पालघर, ठाणे, रत्नागिरी, सिंधुदुर्ग, नाशिक, अहमदनगर आणि वाशीमसाठी ऑरेंज अलर्ट जारी करण्यात आला असून विजांच्या कडकडाटासह आणि सोसाट्याचा वाऱ्यांसह मुसळधार ते अत्यंत मुसळधार पाऊस आणि वादळाचा अंदाज आहे.
तुमच्या शहरातील हवामान जाणून घेण्यासाठी येथे क्लिक करा
सोमवारी सकाळी पावसाचे पुनरागमन होण्यापूर्वी मुंबई शहरात दीर्घकाळ कोरडेपणा जाणवला. त्यानंतर पावसाला सुरुवात झाली. असाच पाऊस मंगळवारीही दिसून आला. हवामान विभागाने २६ सप्टेंबर रोजी पालघरसाठी रेड अलर्ट जारी केला आहे, ज्यामध्ये वेगळ्या ठिकाणी विजांच्या कडकडाटासह जोरदार पाऊस आणि गडगडाटी वादळाचा अंदाज आहे. मंगळवारी संध्याकाळी ५.३० वाजेनंतर मुंबईत तसेच ठाणे आणि नवी मुंबईत मुसळधार पावसाने हजेरी लावली. ढगांचा गडगडाट आणि विजांच्या कडकडाटासह मुसळधार पाऊस संध्याकाळी सुरू झाला आणि रात्रभर कायम राहिला.
मुंबईला पाणीपुरवठा करणाऱ्या सात धरणात ९८.२८ टक्के पाणीसाठा
मुंबईची पाण्याची गरज भागवणाऱ्या सात तलावांमधील पाणीसाठा मंगळवारी सकाळी ९८.२८ टक्के किंवा एकूण क्षमतेच्या १४.२२ लाख दशलक्ष लिटर इतका वाढला. मुंबईत मान्सून माघारीची अधिकृत तारीख १० ऑक्टोबर आहे.
देशाचे हवामान
भारतीय हवामान खात्याने पुढील काही दिवस महाराष्ट्र किनारपट्टीसह कर्नाटक आणि गोव्यात अत्यंत मुसळधार पावसाचा इशारा दिला आहे. याव्यतिरिक्त, ईशान्य भारत, मध्य भारत आणि पूर्व भारतात जोरदार पाऊस पडण्याची शक्यता आहे. नैऋत्य मोसमी पावसाने कच्छ आणि पश्चिम राजस्थानच्या काही भागांतून आधीच माघार घेतली आहे. आज यानाम, तेलंगणा आणि किनारी आंध्र प्रदेशात मुसळधार पाऊस पडू शकतो. उत्तर कर्नाटक आणि रायलसीमामध्येही पाऊस पडेल. माहे, केरळ, दक्षिण अंतर्गत कर्नाटक आणि रायलसीमा येथे असेच हवामानाचे नमुने दिसून येतील.
संबंधित बातम्या