IAS Pooja Khedkar: आयएएस पूजा खेडकर यांच्या आईला पुणे पालिकेची नोटिस! घरासमोरील अतिक्रमण काढण्याचे आदेश, आलीशान ऑडी जप्त

खेडकर कुटुंबियांचे अनेक कारणामे सध्या पुढे येत आहेत. पूजा खेडकर यांनी खोटे प्रमाणपत्र देत सनदी अधिकारीपद मिळवल्या प्रकरणी त्यांची चौकशी सुरू आहे. त्यानंतर त्यांच्या आईने देखील हातात बंदूक घेऊन शेतकऱ्यांना धमकावल्याचा व्हिडिओ व्हायरल झाला होता. या घटना ताज्या असतांना आता पुण्यातील बानेर येथील बंगल्याबाहेर खेडकर कुटुंबीयांनी अतिक्रमण केल्याचे उघडकीस आले आहे. त्यांनी फुटपाथवर कठडे करून त्यात झाडे लावली आहेत. या प्रकरणी पुणे महापालिकेने हे अतिक्रमण काढून टाकण्याची नोटीस खेडकर यांच्या बाणेर येथील बंगल्यावर चिकटवली असून पुढील ७ दिवसांत अतिक्रमण काढण्याचे आदेश त्यांना देण्यात आले आहे. जर हे अतिक्रमण काढले नाही तर त्यांच्यावर कारवाई करणयाचे आदेश देखील देण्यात आले आहेत.

IAS pooja khedkar :आयएएस पूजा खेडकरांचा पाय आणखी खोलात, त्या 'ऑडी' कारवर पुणे पोलिसांची कारवाई

पूजा खेडकर यांची ऑडी कार जप्त

पूजा खेडकर यांची आलीशान ऑडी कार पुणे वाहतूक पोलिसांनी जप्त केली आहे. पूजा खेडकर या पुण्यात जिल्हाधिकारी कार्यालयात असतांना त्यांनी त्यांच्या आलीशान कारवर लाल दिवा व महाराष्ट्र शासन असे लिहिले होते. शासकीय नियमानुसार खासगी गाडीवर अशा प्रकारे दिवा लावता येत नाही. या प्रकरणी पुणे वाहतूक पोलिस हे खेडकर यांच्या घरी गेले असता, मनोरमा खेडकर यांनी पोलिसांना दमदाटी केली होती. दरम्यान, यानंतर त्यांच्या घरातील ऑडी कार देखील गायब करण्यात आली होती. ही कार आता पोलिसांनी जप्त केली आहे.

पूजा खेडकर यांची चौकशी

पूजा खेडकर यांची सनदी अधिकारीपदी गैरमार्गाने निवड झाली हे तपासण्यासाठी एक सदस्य समिती स्थापन करण्यात आली आहे. या समितीच्या तपासात खेडकर दोषी आढळून आल्या तर पूजा खेडकर यांचे हे पद जाण्याची शक्यता आहे, पूजा खेडकर यांनी नॉन क्रिमिनल व मेडिकल दृष्टी दोष चाचणीचे खोटे प्रमाणपत्र सादर केल्याची माहिती आहे. ययाची चौकशी ही समिति करणार आहे, यानंतर जर यात त्या दोषी आढळल्या तर त्यांच्यावर कारवाई होणार आहे.