अमृता फडणवीसांना यापुढं 'मॅम' नाही तर 'माँ अमृता' संबोधणार; मंत्री मंगलप्रभात लोढा यांचं वक्तव्य

अमृता फडणवीस या सामाजिक कार्यात सक्रिय असतात. दिविजा फाऊंडेशनच्या वतीनं त्या दरवर्षी गणेश विसर्जनाच्या नंतर समुद्र किनाऱ्यावर स्वच्छता मोहीम राबवतात. यंदाही विसर्जनानंतर त्यांनी अशीच मोहीम हाती घेतली होती. त्यांच्या या कामानं लोढा भारावून गेलेले दिसले.

स्वच्छतेच्या संदर्भातील या कामाविषयी बोलताना लोढा यांनी अमृता फडणवीस यांची तोंडभरून स्तुती केली. 'समुद्र किनाऱ्यावरचा कचरा दिविजा फाऊंडेशन साफ करते ही अत्यंत चांगली गोष्ट आहे. मात्र याचबरोबर फाऊंडेशनच्या सर्वेसर्वा अमृता फडणवीस यांनी पुढाकार घेऊन राज्याच्या राजकारणात झालेली घाणही साफ करावी, अशी विनंती लोढा यांनी यावेळी केली.

हेही वाचा: बापूसाहेब पठारे यांचा प्रवेश शरद पवारांच्या राष्ट्रवादीसाठी किती महत्त्वाचा? अजित पवारांच्या आमदाराची कोंडी होणार?

‘अमृताताईंनी आता 'माँ’चं रूप घेतलं आहे. त्यांच्या माध्यमातून मुला-मुलींसाठी व इतर जी काही कामे होत आहे, ती कौतुकास्पद आहे. ते पाहता यापुढं त्यांना मी मॅम अमृता नाही तर माँ अमृता संबोधणार, असं मंगलप्रभात लोढा यावेळी म्हणाले.