राष्ट्रवादीचं तिकीट मागणाऱ्या इच्छुक उमेदवाराला शरद पवार नेमके कोणते प्रश्न विचारतात? जाणून घ्या!

इच्छुकांना शरद पवार नेमकं काय काय विचारतात?

उपमुख्यमंत्री अजित पवार यांनी वर्षभरापूर्वी राष्ट्रवादी कॉंग्रेसमध्ये बंड केलं. पक्ष फुटल्यानंतर बहुतांश आमदार अजित पवारांसोबत गेल्याचे दिसून आले. त्यानंतर शरद पवार गटाकडे केवळ १३ आमदार उरले होते. परंतु लोकसभा निवडणुकीत शरद पवार गटाने १० जागा लढवून ८ ठिकाणी विजय मिळवला होता. लोकसभा निवडणुकीत शरद पवार यांच्या नेतृत्वाखालील राष्ट्रवादीच्या गटाने केलेल्या दमदार कामगिरीमुळे अजित पवार गटात सामील झालेले अनेक नेते माघारी फिरत असल्याचे दिसून येत आहे. इतकेच नव्हे तर भाजप सोडून अनेक मातब्बर नेते शरद पवार गटात सामील होत असल्याचे दिसून येत आहे.

हे वाचाः ‘सकाळी ९ वाजताचा भोंगा, रात्रीच तयारी करून बसला होता, महाराष्ट्रातही.. ’; फडणवीसांचा राऊतांना टोला

दरम्यान, राष्ट्रवादी कॉंग्रेस -शरद पवार गटाकडे विधानसभेचे तिकीट मागणाऱ्यांची मोठी गर्दी झालेली दिसून येत आहे. पश्चिम महाराष्ट्रातून तिकीटीसाठी इच्छुक असलेल्या निवडक उमेदवारांची नुकतेच पुण्यात पक्षाच्या निवडणूक पॅनेलने मुलाखत घेतली. राधानगरीसाठी ए वाय पाटील, शिराळमधून स्नेहा देसाई, चंदगडसाठी अमरसिंह चव्हाण, कोल्हापूर (उत्तर)साठी व्ही. बी. पाटील, कागल साठी समरजितसिंह घाडगे,  इचलकरंजीसाठी अशोकराव जांभळे इत्यादी इच्छुकांच्या मुलाखती शरद पवार यांनी घेतल्या. या मुलाखतीत शरद पवार इच्छुकांना अनेक प्रश्न विचारत असल्याचे समजले. परंतु पहिला प्रश्न हा ‘तुम्हाला पक्षाने तिकीट दिल्यास तुम्ही निवडून कसे येणार ते सांगा’ हा असतो, असं सूत्रांनी सांगितलं. याशिवाय मतदारसंघात पक्षसंघटन कसं आहे, निवडून येण्यासाठी काय काय नियोजन केले आहे, याची माहिती शरद पवार इच्छुकांकडून जाणून घेत असल्याचे कळते.

हे वाचाः हरयाणाचा पराभव काँग्रेसला भारी पडणार? महाराष्ट्रातील जागावाटपात ठाकरेंची शिवसेना नडून बसणार

हे वाचाः बोपदेव घाट सामूहिक बलात्कारप्रकरणी आरोपींची ओळख पटविण्यासाठी पुणे पोलिस घेणार एआय 'सिम्बा'ची मदत