मराठी बातम्या  /  महाराष्ट्र  /  Pune heat wave : पुणं तापणार? उष्णतेसाठी महापालिका सज्ज; आरोग्य सांभाळण्याचे आवाहन; सांगितले 'हे' उपाय, वाचा

Pune heat wave : पुणं तापणार? उष्णतेसाठी महापालिका सज्ज; आरोग्य सांभाळण्याचे आवाहन; सांगितले 'हे' उपाय, वाचा

Ninad Vijayrao Deshmukh HT Marathi
Mar 21, 2024 06:02 AM IST

Pune weather news : पुण्यात उष्णतेची (Heat Stroke) लाट येण्याची शक्यता हवामान विभागाने वर्तवली आहे. कमाल तापमानात देखील वाढ होणण्याची शक्यता वर्तवण्यात आली आहे. दरम्यान, महापालिकेने उष्माघातापासून वाचण्यासाठी उपाय सुचवले आहे.

पुण्यात उष्णतेची (Heat Stroke) लाट येण्याची शक्यता हवामान विभागाने वर्तवली आहे.
पुण्यात उष्णतेची (Heat Stroke) लाट येण्याची शक्यता हवामान विभागाने वर्तवली आहे. (HT)

Pune weather news : राज्यात विदर्भात अवकाळी पावसाने धुमाकूळ घातला आहे. तर उर्वरित राज्यात कोरडे हवामान आहे. दरम्यान, राज्यात पुढील काही दिवसांत तापमानात वाढ होण्याची शक्यता हवामान विभागाने व्यक्त केली आहे. पुण्यात देखील उष्णतेची लाट येण्याची शक्यता असून या पार्श्वभूमीवर पुणे महानगर पालिकेच्या आरोग्य विभागाने जय्यत तयारी केली आहे. नागरिकांनी उष्माता घातापासून बचाव करण्यासाठी खबरदारी उपाय सांगितले आहे.

Maharashtra Weather update : राज्यात वादळी पावसासह तापमानात होणार वाढ! पुढील काही दिवस असे असेल हवामान

सध्या पुण्यात येत्या काही दिवसांत तापमानात वाढ होण्याची शक्यता वर्तवली आहे. हवामान विभागाने दिलेल्या माहितीनुसार, बुधवारी ( दि. २० मार्च ) रोजी शिवाजीनगर येथे ३६.१ अंश सेल्सिअस कमाल तापमानात तर १४.९ अंश सेल्सिअस इतक्या किमान तापमानाची नोंद झाली आहे. शहरातील किमान तापमान हे सरासरीपेक्षा १.६ अंशाने कमी होते.

दरम्यान राज्यात सर्वाधिक तापमान सोलापूर येथे ३९ अंश सेल्सिअस इतके नोंदविण्यात आले तर सर्वात कमी तापमान अहमदनगर येथे १४.५ अंश सेल्सिअस इतके नोंदविण्यात आले. शहरातील इतर भागांमध्ये देखील कमाल तापमानाची नोंद ३६ ते ३७ अंश सेल्सिअस दरम्यान झाली आहे.

RBI: ३१ मार्चला रविवार असूनही सर्व बँका खुल्या राहणार; आरबीआयकडून अधिसूचना जारी

या सोबत पुढील काही दिवसांत पुण्यात तापमानात मोठी वाढ होणार असल्याची शक्यता असल्याने पुणे महानगर पालिकेने उष्माघातापासून वाचण्यासाठी उपाय योजना सुचवल्या आहेत. तसेच बाहेर करतांना काय काळजी घ्यावी याची देखील माहिती दिली आहे. या बाबत पालिकेने जाहीर निवेदन दिले आहे. यात उष्माघाता पासून स्वतःचा व स्वतःच्या कुटुंबीयांचा बचाव कसा करावा या बाबत निवेदन जारी केले आहे. यात म्हटले आहे की, शहराच्या तापमानात वाढ होत असल्याने उष्माघात होण्याची शक्यता आहे. यामुळे उपचार न केल्यास डिहायड्रेशन ( जलशुष्कता) मूळे मृत्यूही ओढवू शकतो.

ही आहे उष्माघात होण्याची कारणे :

उन्हात शारीरिक श्रमाची, अंग मेहनतीचे व कष्टाची कामे करणे, कारखान्याच्या बॉयलर रुममध्ये काम करणे. कारखान्यात काम करणे, जास्त तापमानाच्या खोलीमध्ये काम करणे, घट्ट कपड्यांचा वापर करणे, अशा प्रत्यक्ष उष्णतेशी अथवा तापमानातील वाढत्या परिस्थितीशी सतत संपर्क येण्याने उष्माघात होऊ शकतो.

Women Docter Suicide: महिला डॉक्टरची अटल सेतूवरून उडी, 'सुसाईड नोट'मध्ये लिहिले, ‘गेल्या ८ वर्षांपासून…’

लक्षणे :

मळमळ उलटी, हात पायात गोळे येणे, थकवा येणे, 40 डिग्री सेल्सिअसपेक्षा जास्त ताप येणे, त्वचा गरम होणे व कोरडी पडणे क्वचित लाल होणे, घाम न येणे, डिहायड्रेशन, चक्कर येणे, निरूत्साही वाटणे, डोके दुखणे, छातीत धडधड होणे, रक्तदाब वाढणे,मानसिक अस्वस्थ, बेशुद्धवस्था इ.

अतिजोखमीच्या व्यक्ती:

बालके, लहान मुले,खेळाडू, सतत उन्हात काम करणाऱ्या व्यक्ती, वयस्कर व्यक्ती ज्यांना हृदयरोग,फुप्फुसाचे विकार,मूत्रपिडाचे विकार इ.

प्रतिबंधात्मक उपाय :

१. वाढत्या तापमानात फार वेळ कष्टाची कामे करणे टाळणे व शक्य नसल्यास थोड्या वेळाने सावलीत विश्रांती घेऊन पुन्हा काम करावे,कष्टाची कामे सकाळी लवकर अथवा संध्याकाळी कमी तापमानात असताना करावीत.

२. उष्णता शोषून घेणारे कपडे (काळ्या किंवा भडक रंगाचे ) वापरू नयेत. सैल पांढरे किंवा फिक्कट रंगाचे सूती कपडे वापरावेत. तीव्र उन्हाच्या वेळेस बाहेर जाणे टाळावे. बाहेर प्रवासाला जाताना पाणी सोबत ठेवावे.

३. पाणी भरपूर प्यावे. डिहायड्रेशन होऊ देऊ नये, लिंबू सरबत,लस्सी, ताक,नारळ पाणी इत्यादी प्यावे.

४. उन्हात बाहेर जाताना गॉगल्स, डोक्यावर टोपी, टॉवेल, फेटा, छत्री इत्यादी चा वापर करावा,

५. घरामध्ये कामाच्या ठिकाणी कुलर्स, एअर कंडिशनर्स, वाळ्याचे पडदे यांचा वापर करावा.

६. पार्क केलेल्या वाहनांमध्ये मुले किंवा पाळीव प्राण्याना सोडू नका.

७. उष्माघाताची लक्षणे आढळल्यास त्वरित नजीकच्या मनपाच्या आरोग्य केंद्रा/ रुग्णालय किंवा खाजगी रुग्णालयाशी संपर्क साधावा.

उपचार :

१. रुग्णास प्रथम सावलीत आणावे, रुग्णाचे तापमान कमी करण्याच्या दृष्टीने प्रयत्न करणे महत्त्वाचे आहे.

२. रुग्णाचे तापमान कमी करण्यासाठी त्वरित उपचार सुरू करावेत, रुग्णाचे कपडे सैल करून त्वरित अंग थंड पाण्याने शरीराचे तापमान कमी होईपर्यंत पुसत राहावे.

३. रुग्णास हवेशीर व थंड खोलीत ठेवावे, खोलीतील पंखे, कुलर्स, एयर कंडिशनर्स त्वरित चालू

करावेत.

४. रुग्ण शुद्धीवर आल्यास त्यास थंड पाणी, जलसंजीवनी द्यावे व डिहायड्रेशन टाळावे, चहा, कॉफी देऊ नये, ५. रुग्णाच्या काखेखाली आइसपॅक ठेवावेत, रुग्णाच्या कपाळावर थंड पाण्याचा पट्ट्या ठेवाव्यात.

६. थर्मामीटरने रुग्णाचे तापमान बघत राहावे व 36.8 सेल्सिअस तापमान होईपर्यंत वरील उपचार चालू ठेवावेत

नजीकाच्या मनपा आरोग्य केंद्रात, रुग्णालय अथवा खाजगी रुग्णालयाशी संपर्क साधावा. रुग्णालयात भरती अॅम्बुलन्ससाठी कॉल करावा.

WhatsApp channel