नवीन वर्षानिमित्त देवदर्शनाला जाताना भाविकांवर काळाचा घाला; अक्कलकोटमध्ये भीषण अपघातात ४ जण ठार

मिळालेल्या माहितीनुसार अक्कलकोट श्री स्वामी समर्थ दर्शन घेऊन गणगापूरला जातं असताना मैंदर्गी जवळ हा भीषण अपघात झाला आहे. भाविकांच्या गाडीला एका दुसऱ्या वाहनाने समोरून जोरदार धडक दिली. या धडकेत चौघे जण जागीच ठार झाले आहे. तर ७ ते ८ जण जखमी झाले आहेत. मृत व जखमी भाविक हे स नांदेड जिल्ह्यातील असल्याची प्राथमिक माहिती आहे. अपघातस्थळी अक्कलकोट पोलीस दाखल झाले आहे. त्यांनी जखमीना तातडीने अक्कलकोट सार्वजनिक रुग्णालयात दाखल केले असून त्यांच्यावर उपचार सुरू आहे.

नांदेड येथून भविकांचा एक गट हा अक्कलकोट आणि त्यानंतर गाणगापूरला दर्शनासाठी जात होता. नवीनवर्ष देव दर्शनाने हे सर्व जण साजरे करण्यात होते. मात्र, त्यांच्यावर काळाने घाला घातला आहे. मिळालेल्या माहितीनुसार हे सर्व जण आधी अक्कलकोट येथे पोहोचले. या ठिकाणी त्यांनी दर्शन घेतले. यानंतर सर्व जण पुढच्या प्रवासासाठी गाणगापूरला निघाले होते. त्यांचे वाहन हे मैंदर्गी जवळ आले असता, समोरून येणाऱ्या एका भरधाव वाहनाने त्यांच्या गाडीला जोरदार धडक दिली. ही धडक भीषण होती की दोन्ही वाहनांचा चक्काचूर झाला. या घटनेत दोन महिला व दोन पुरुषांचा जागीच मृत्यू झाला. मृत्यूमुखी पडलेल्यांची व जखमी प्रवाशांची नावे समजू शकली नाही. या घटनेमुळे या मार्गावर काही काळ वाहतूक कोंडी झाली होती. पोलिसांना या अपघाताची माहिती मिळताच ते तातडीने घटनास्थळी दाखल झाले. त्यांनी जखमी नागरिकांना जवळच्या दवाखान्यात दाखल केले. तर मृतदेह देखील जवळच्या रुग्णालयात पाठवण्यात आले.

अपघातग्रस्त वाहने बाजूला करून येथील वाहतूक कोंडी सुरळीत करण्यात आली आहे. नवीन वर्षाच्या सुरुवातीला हा अपघात झाल्याने सर्वत्र हलहळ व्यक्त केली जात आहे.