Maharashtra CM: राज्यात कुणाला किती पदं मिळणार? अमित शाहंसोबतच्या बैठकीत ठरला महाराष्ट्र सरकार बनवण्याचा फॉर्म्युला!

मुख्यमंत्रीपद भाजपकडे, तर उपमुख्यमंत्रिपदाची दोन पदे शिवसेना आणि राष्ट्रवादीकडे असतील, असा निर्णय या बैठकीत घेण्यात आल्याचे म्हटले जात आहे. शनिवारी मुंबईत होणाऱ्या आमदारांच्या बैठकीत भाजप मुख्यमंत्रिपदाचा उमेदवार जाहीर करणार आहे.

देवेंद्र फडणवीस मुख्यमंत्री झाले तर गृहखाते आपल्याकडे ठेवू शकतात. त्याचवेळी वित्त खाते राष्ट्रवादीकडे दिले जाण्याची शक्यता आहे. शिवसेनेला नगरविकास आणि सार्वजनिक बांधकाम खात्यासारखी खाती मिळण्याची शक्यता आहे.

मंत्रिमंडळात भाजपचे सर्वाधिक मंत्री असतील आणि त्यापैकी ४३ मंत्र्यांकडे २२ पदे असतील. शिवसेनेला १२ आणि राष्ट्रवादीला ९ मंत्रिपदे मिळण्याची शक्यता आहे. मंत्रिमंडळाबरोबरच आघाडीतील पक्षांनीही मंडळे आणि महामंडळांमध्ये हिस्सा घेण्यास सहमती दर्शवली आहे. राष्ट्रवादीने आपले ज्येष्ठ नेते प्रफुल्ल पटेल यांना नरेंद्र मोदी सरकारमध्ये सामावून घेण्याची मागणी केली आहे, तर शिवसेनेलाही केंद्रीय मंत्रिमंडळात मंत्रिपद हवे आहे.

मतदानाची वेळ संपल्यानंतरही ७.८३ टक्के मतं कशी वाढली? काँग्रेसच्या आरोपावर निवडणूक आयोगाचं स्पष्टीकरण, म्हणाले..

शिंदे यांना कोणते पद मिळणार?

विद्यमान काळजीवाहू मुख्यमंत्री एकनाथ शिंदे हे उपमुख्यमंत्रिपद स्वीकारण्यास इच्छुक नसल्याचे शिवसेनेचे प्रवक्ते संजय शिरसाट यांनी म्हटले होते. मात्र, ते आपले पुत्र श्रीकांत शिंदे यांच्यासाठी हे पद सोडून केंद्र सरकारमध्ये कॅबिनेट मंत्री होण्याचा विचार करू शकतात, अशी चर्चा आहे.

जातीय समीकरणांवर चर्चा

महाराष्ट्रातील जातीय समीकरणांवरही बैठकीत चर्चा झाली. बिगर मराठा मुख्यमंत्र्यांचा संभाव्य प्रतिसाद आणि मराठा समाजाचे प्रतिनिधित्व यांचा समतोल साधण्यासाठी भाजपने रणनीती आखली.आमदारांचे मत जाणून घेण्यासाठी शनिवारी भाजपचे निरीक्षक मुंबईत दाखल होणार आहेत. विधिमंडळ पक्षाची ही शनिवारी बैठक होणार असून, त्यात नव्या मुख्यमंत्र्यांच्या नावाची घोषणा केली जाणार आहे. नवे सरकार सोमवार किंवा मंगळवारपर्यंत शपथ घेण्याची शक्यता आहे.

दरम्यान, राष्ट्रवादीचे नेते अजित पवार म्हणाले की, युतीत कोणतेही मतभेद नाहीत. आमचा कोणत्याही विभागावर वाद नाही. राज्यात महायुतीचे सरकार स्थापन करण्याला आमचे प्राधान्य होते, ते आम्ही यशस्वीपणे पूर्ण केले. "