Sitaram Dalvi: मुंबईतील माजी आमदार आणि निष्ठावंत शिवसैनिक सीताराम दळवी यांचं निधन
Sitaram Dalvi Passes Away: निष्ठावंत शिवसैनिक आणि माजी आमदार सीताराम दळवी यांचे आज निधन झाले आहे.
Sitaram Dalvi Death: शिवसेनेचे (Shiv Sena) माजी आमदार सीताराम दळवी यांचे आज निधन झाले. हिंदुहृदयसम्राट आणि शिवसेनाप्रमुख बाळासाहेब ठाकरे (Balasaheb Thackeray) यांचे निष्ठावंत शिवसैनिक म्हणून त्यांची ओळख होती. सीताराम दळवी यांच्या निधनाने राजकीय क्षेत्रावर शोककळा पसरली आहे. अनेक मोठ्या नेत्यांकडून त्यांना श्रद्धांजली वाहिली जात आहे.
सीताराम दळवी यांची आज संध्याकाळी ६ वाजता अंधेरीतील राहत्या घरातून अंत्ययात्रा निघणार आहे. सीताराम दळवी हे मनसे नेते संदिप दळवी यांचे वडील आहेत. त्‍यांच्‍या पश्‍चात पत्नी शिला, मुलगा संदीप, मुलगी प्रतिमा आशिष शेलार, सुना, नातवंडे असा परिवार आहे.
बाळासाहेबांचे निष्ठावंत शिवसैनिक
शिवसेनाप्रमुख बाळासाहेब ठाकरे यांच्यासोबत काम केलेल्या निष्‍ठावान शिवसैनिकांपैकी ते एक होते. ते मूळचे सिंधुदुर्ग जिल्‍ह्यातील आरोस गावातील होते. मात्र, मुंबईतील अंधेरी पूर्व येथे त्‍यांचे अखेरपर्यंत वास्‍तव्‍य होते. अनेक वर्षांपासून ते शिवसेनेत कार्यरत होते.
शिवसेनेच्या तिकीटावर १९९५ मध्ये पहिल्यांदा आमदार
सीताराम दळवी हे मुंबईतील अंधेरी विधानसभा मतदारसंघातून १९९५ मध्ये शिवसेनेच्या तिकिटावर विजयी झाले होते. त्‍याआधी त्यांनी मुंबई महापालिकेत नगसेवक म्हणून पद भूषवले होते. शिवेसेनेच्‍या उभारतीच्‍या काळात मुंबई आणि महाराष्‍ट्रात झालेल्‍या पक्षाच्‍या अनेक आंदोलनात त्‍यांचा सहभाग होता.
संबंधित बातम्या