मराठी बातम्या  /  महाराष्ट्र  /  Nashik Accident : नाशिक-दिंडोरी मार्गावर भीषण अपघात; कार आणि दुचाकीच्या धडकेत पाच जण ठार

Nashik Accident : नाशिक-दिंडोरी मार्गावर भीषण अपघात; कार आणि दुचाकीच्या धडकेत पाच जण ठार

Ashwjeet Rajendra Jagtap HT Marathi
Apr 05, 2024 06:34 PM IST

Nashik Bike Car Collision: नाशिक- दिंडोरी मार्गावर कार आणि दुचाकीच्या धडकेत पाच जणांचा मृत्यू झाला आहे.

नाशिक- दिंडोरी मार्गावर भरधाव कार आणि दुचाकीमध्ये भीषण अपघात घडला.
नाशिक- दिंडोरी मार्गावर भरधाव कार आणि दुचाकीमध्ये भीषण अपघात घडला.

Nashik Accident News Today: नाशिक- दिंडोरी मार्गावरील (Nashik Dindori Road) ढकांबे गावाजवळ (Dhakambe Village) भरधाव कार आणि दुचाकीमध्ये (Car And bike accident) भीषण अपघात झाला. या अपघातात पाच जणांचा मृत्यू झाला आहे. तर, काही जण जखमी झाल्याची माहिती समोर आली आहे. जखमींना जवळच्या रुग्णालयात उपचार सुरू आहेत. टायर फुटल्याने हा अपघात झाल्याची प्राथमिक माहिती आहे.

ट्रेंडिंग न्यूज

Pune Police suicide : पुणे हादरले! पोलिस शिपायाने स्वतःवर गोळी झाडून केली आत्महत्या; खडक पोलीस ठाण्यातील घटना

नाशिक - दिंडोरी मार्गावर ढकांबे गावाजवळ दुपारी दोन वाजताच्या सुमारास भरधाव बोलेरो कारने समोरून येणाऱ्या दुचाकीला जोरदार धडक दिली. या अपघातात पाच जणांचा जागीच मृत्यू झाला आहे. तर, तीन जण जखमी झाले. जखमींना म्हसरूळ येथील एका खाजगी रुग्णालयात उपचारासाठी दाखल करण्यात आले आहे. या घटनेची माहिती मिळताच दिंडोरी पोलिसांनी घटनास्थळी धाव घेऊन पंचनामा केला. कारचा टायर फुटल्याने हा अपघात घडल्याचे प्राथमिक चौकशीत उघड झाले. पोलिसांनी स्थानिक रहिवाशांच्या मदतीने सर्वांचे मृतदेह नाशिक जिल्हा शासकीय रुग्णालयात पाठवले.

Kolhapur crime : कोल्हापुरात थरार... रंकाळ्याजवळ तरुणाचा पाठलाग करून कोयत्याने सपासप वार करत निर्घृण खून

मिळालेल्या माहितीनुसार, बोलेरो कारमधून काही भाविक सप्तश्रृंगी देवीचं दर्शन घेऊन नाशिककडे येत होते, अशी णाहिती आहे. या अपघातात मरण मावलेल्या मृतांची आणि जखमींची नावे अद्याप समजू शकलेले नाहीत. या घटनेने परिसरात एकच खळबळ माजली. गेल्या काही वर्षात रस्ते अपघातांच्या संख्येत वाढ झाल्याचे पाहायला मिळते. गतमीमान प्रवास आणि अतिघाई अपघाताचे प्रमुख कारण ठरत आहे.

पुण्यात वाहनाच्या धडकेत एका तरुणाचा मृत्यू

पुण्यातील खडकी परिसरात चारचाकी वाहनाच्या धडकेत एका तरुणाचा मृत्यू झाला आहे. ही घटना बुधवारी (३ एप्रिल २०२४) सकाळी पावणे नऊच्या सुमारास घडली. मिळालेल्या माहितीनुसार, मृत व्यक्ती सराफ गल्लीतून व्यापारी मित्रमंडळाच्या चौकाकडे पायी जात होता. त्यावेळी रस्त्यावर वाहनाची प्रचंड गर्दी होती. रस्ता ओलांडताना एका वाहनाचा त्याला धक्का लागला आणि तो खाली पडला. त्याचक्षणी दुसरी चारचाकी त्याच्या डोक्यावरून गेल्याने त्याचा जागीच मृत्यू झाला. सकाळी अपघात झाल्याने रस्त्यावर मोठी वाहतूक कोंडी झाली होती.

IPL_Entry_Point

विभाग