Farmer suicide : बँकेची नोटीस येताच शेतकऱ्याने संपवलं जीवन, संभाजीनगर जिल्ह्यातील घटना
मराठी बातम्या  /  महाराष्ट्र  /  Farmer suicide : बँकेची नोटीस येताच शेतकऱ्याने संपवलं जीवन, संभाजीनगर जिल्ह्यातील घटना

Farmer suicide : बँकेची नोटीस येताच शेतकऱ्याने संपवलं जीवन, संभाजीनगर जिल्ह्यातील घटना

Dec 11, 2023 01:34 PM IST

sambhaji nagar Farmer suicide : राज्यात यावर्षी दुष्काळ सदृश्य परिस्थिती आहे. यामुळे अनेक शेतकऱ्यांच्या शेतमालाचे नुकसान झाले आहे. अशाच एका शेतकऱ्याला बँकेची नोटिस आल्याने आर्थिक विवंचनेतून त्याने आत्महत्या केली आहे.

Death (Representative Image)
Death (Representative Image)

sambhaji nagar Farmer suicide : राज्यात संभाजी नगर जिल्ह्यातील पैठण तालुक्यात कुतुबखेडा येथे कर्ज फेडण्यासाठी बँकेची नोटिस आल्याने एका शेतकाऱ्याने टोकाचे पाऊल उचलत विषारी औषध पिऊन जीवन संपवले आहे. ही घटना रविवारी रात्री ८ च्या सुमारास घडली.

Love Jihad Committee : महाराष्ट्र सरकारने स्थापन केलेली लव्ह जिहाद समिती रद्द करा; समाजवादी पक्षाची मागणी

नारायण भाऊसाहेब करंगळ (वय ४२) असे आत्महत्या करणाऱ्या शेतकऱ्याचे नाव आहे. मिळालेल्या माहितीनुसार पैठण तालुक्यातील कुतुबखेडा येथील शेतकरी नारायण भाऊसाहेब करंगळ यांनी पेरणीसाठी पैठणच्या बँक ऑफ बडोदा बँकेकडून ४ लाख ७५ हजार रुपयांचे कर्ज घेतले होते. दरम्यान, त्यांचे हे कर्ज व्याजासह ७ लाख १२ हजार रूपये झाले होते. हे कर्ज भरण्याबाबत संबंधित बँकेकडून त्यांना नोटीस बजावण्यात आली होती.

Article 370 : कलम ३७० बाबत सुप्रीम कोर्टाचा मोठा निर्णय! सरकारचा निर्णय योग्य म्हणत याचिका फेटाळली

या वर्षी म्हणावा तसा पाऊस झालेला नाही. अपुऱ्या पावसा अभावी पेरण्या करूनही पाहिजे तसे उत्पन्न हाती आले नाही. नारायण करंगळ यांच्या शेतीचे देखील मोठे नुकसान झाले होते. अशा परिस्थितीत बँकेचे कर्ज कसे फेडायचे हा प्रश्न त्यांना सतावत होता. दरम्यान, बँकेने हे कर्ज फेडण्यासाठी नोटिस पाठवल्याने ते सतत चिंतेत राहायचे. कर्ज फेडायचे की घर चालवायचे, तसेच हा पैसा आणणार कोठून हा प्रश्न त्यांना सतावत असल्याने त्यांनी शनिवारी पुन्हा त्यांना कोर्टामध्ये तडजोड करण्यासाठी यावे अन्यथा तुमच्यावरती कारवाई करण्यात येईल अशी नोटिस बँकेने धाडली.

पैसे भरले नाही तर बँकेचे अधिकारी तगादा लावतील यामुळे त्यांनी रविवारी रात्री शेतामध्ये जाऊन विषारी औषध प्राशन केले. यानंतर ते घरी आले. त्यांनी विष प्राशन केल्याचे त्यांच्या पत्नीच्या लक्षात आले. त्यांनी तात्काळ या घटनेची माहिती नातेवाइकांना दिली. नातेवाईकांनी नारायण करंगळ यांना जवळील पाचोड ग्रामीण रुग्णालयात उपचारासाठी दाखल केले. मात्र, डॉक्टरांनी त्यांना मृत घोषित केले.

Whats_app_banner

संबंधित बातम्या

महाराष्ट्रातील बातम्या, प्रत्येक घडामोडीची ब्रेकिंग न्यूज मिळवा हिंदुस्तान टाइम्स मराठीवर