‘मी तर शपथ घेणार आहे’ या अजित पवारांच्या मिश्कील विधानावर एकनाथ शिंदेंचा चिमटा; म्हणाले, यांना सकाळ-संध्याकाळचा अनुभव
Eknath Shinde : उपमुख्यमंत्री होणार का, या पत्रकारांच्या प्रश्नावर एकनाथ शिंदे म्हणाले की, तुम्हाला एवढी घाई कशासाठी? आज सायंकाळपर्यंत कळेल, त्यावर अजित वार मध्येच म्हणाले की, मी तर शपथ घेत आहे, एकनाथ शिंदे यांना निर्णय घ्यायचा आहे.
देवेंद्र फडणवीस, एकनाथ शिंदे आणि अजित पवार यांनी राज्यपालांची भेट घेऊन महायुतीचे सरकार स्थापन करण्याचा प्रस्ताव ठेवला आहे. यानंतर तिन्ही नेत्यांनी एकत्र येऊन माध्यमांशी संवाद साधला. दरम्यान, पत्रकारांनी एकनाथ शिंदे यांना विचारले की, फडणवीस यांच्यासोबत तुम्ही आणि अजित पवार उपमुख्यमंत्री होणार आहात का? त्यावर एकनाथ शिंदे म्हणाले, 'तुम्हाला एवढी घाई कशासाठी? हे आज सायंकाळपर्यंत कळेलच. उद्या संध्याकाळी शपथविधी सोहळा होणार आहे. शिंदे बोलत असतानाच अजित पवार मध्येच म्हणाले की, मी तर शपथ घेत आहे, एकनाथ शिंदे यांना निर्णय घ्यायचा आहे.
अजित पवारांच्या विधानानंतर एकनाथ शिंदेही थांबले नाहीत, त्यांनी अजित पवारांना चिमटा काढत म्हटले की, अजितदादांना शपथ घेण्याचा चांगला अनुभव आहे. त्यांना सकाळी तसेच संध्याकाळीही शपथ घेण्याचा अनुभव आहे. खरं तर अजित पवार आणि देवेंद्र फडणवीस यांनी २०१९ च्या पहाटे एकदा शपथ घेतली होती.
त्यावेळी देवेंद्र फडणवीस मुख्यमंत्री झाले आणि अजित पवार यांनी उपमुख्यमंत्रिपदाची शपथ घेतली. मात्र, अजित पवारांना म्हणावा तितका आमदारांचा पाठिंबा मिळवता आला नाही. त्यामुळे हे सरकार केवळ तीन दिवस चालवू शकले. त्यानंतर उद्धव ठाकरे यांच्या नेतृत्वाखाली महाविकास आघाडीने सरकार स्थापन केले.
इतकंच नाही तर २०२२ मध्ये हे सरकार कोसळलं आणि एकनाथ शिंदे यांच्या नेतृत्वाखाली महायुतीचं सरकार स्थापन झालं. गेल्या वर्षी अजित पवार यानी राष्ट्रवादीत बंड घडवून ४० आमदारांसह सत्ताधारी पक्षात सामील होण्याचा निर्णय़ घेतला. अजित पवारांनी एकनाथ शिंदे सरकारमध्ये उपमुख्यमंत्रीपदाची शपथ घेतली.
उद्या ते पुन्हा एकदा उपमुख्यमंत्रिपदाची शपथ घेणार आहेत. एकनाथ शिंदे यांनीही यावर टीका करताना अजितदादांना सकाळपासून संध्याकाळपर्यंत शपथ घेण्याचा अनुभव असल्याचे सांगितले. यावर तिन्ही पक्षांचे नेते खूप हसले. या उपहासानंतर एकनाथ शिंदेही बराच वेळ हसले.
संबंधित बातम्या