पुण्यात मद्यधुंद ड्रायव्हरची चंद्रकांत पाटलांच्या ताफ्यातील गाडीला धडक, थोडक्यात बचावले

मिळालेल्या माहितीनुसार पुण्यात सोमवारी रात्री हा अपघात झाला आहे. चंद्रकांत पाटील हे गणपतीच्या दर्शनासाठी पुण्यात आले होते. यावेळी एका दारूच्या नशेत असलेल्या वाहन चालकाने त्यांच्या ताफ्यातील वाहनाला जोरदार धडक दिली. या घटनेत पाटील यांच्या ताफ्यातील गाडीचे मोठं नुकसान झालं आहे. सुदैवाने चंद्रकांत पाटील या घटनेतून थोडक्यात बचावले आहेत.

पोलिसांनी मद्यपी चालकाला अटक केली आहे. त्याची चौकशी करण्यात येत आहे. या प्रकरणी कोथरूड पोलीस स्टेशनमध्ये कार चालक, त्याचे तीन मित्र आणि दोन मैत्रिणींवर गुन्हा दाखल करण्यात आला आहे. कार चालक हा अपघाताच्या वेळी दारूच्या नशेत होता.

चंद्रकांत पाटील यांनी त्यांच्या या अपघाताचा अनुभव माध्यमांना सांगितला आहे. सोमवारी मी देवदर्शन व गणपती मंडळांना भेटी दिल्यानंतर रात्री उशिरा पुण्यातील कोथरुड भागात असलेल्या त्यांच्या घरी जात होतो. यावेळी आशिष गार्डन जवळ रात्री १२ च्या सुमारास एका मद्यधुंद कार चालकाने त्यांच्या ताफ्यातील गाडीला जोरदार धडक दिली. मी थोडक्यात बचावलो गेलो. काही क्षणाचा अवधी होता. माझी गाडी थोडी पुढे गेली व मागे माझ्या ताफ्यातील गाडीला धडक बसली.

एमपीएससी परीक्षार्थींसाठी शरद पवार पुन्हा मैदानात; मुख्यमंत्री एकनाथ शिंदे यांना लिहिलं सविस्तर पत्र

पुण्यात लोकप्रतिनिधीच सुरक्षित नाही तर सामान्य नागरिकांच काय ?

पुण्यात दारू पिऊन गाडी चालवून रोज अपघात होत आहेत. पोर्शे दुर्घटनेनंतर या घटना प्रकर्षाने पुढे येऊ लागल्या आहेत. काही दिवसांपूर्वी मनसे पदाधीकाऱ्याचा व त्याच्या पत्नीचा अशाच एक अपघात झाला होता. यात पत्नीचा मृत्यू झाला होता. दारूच्या नशेत टेम्पो चालवून अनेक वाहनांना टेम्पो चालकाने धडक दिली होती. आता चंद्रकांत पाटील यांना या घटनेचा अनुभव आल्याने सर्वसामान्य नागरिकच नाहीतर मंत्री व त्यांच्या गाड्याही सुरक्षित नसल्याचं समोर आलं आहे.

आधी बायकोला मेसेज केला, लोकेशन पाठवले, नंतर नीरादेवघर धरणात उडी मारून केली आत्महत्या