भाषा निवडा

विभाग

मराठी बातम्या / महाराष्ट्र / Electricity Safety: पावसाळ्यात वीज यंत्रणेपासून सतर्क राहा; दुर्घटना टाळण्यासाठी 'अशी' घ्या काळजी

Electricity Safety: पावसाळ्यात वीज यंत्रणेपासून सतर्क राहा; दुर्घटना टाळण्यासाठी 'अशी' घ्या काळजी

Ashwjeet Rajendra Jagtap HT Marathi

Published Jun 19, 2024 01:39 PM IST

Electricity Safety Guidelines In Monsoon: पावसाळ्यात वीज यंत्रणेपासून स्वत:चा कसा बचाव करायचा? जाणून घ्या.

पावसाळ्यात वीज यंत्रणेपासून सुरक्षित राहण्यासाठी कशी काळजी घ्यावी? वाचा (HT)

Electricity Safety Tips: पावसाळ्यात अतिवृष्टी, वादळी वाऱ्यामुळे तुटलेल्या वीजतारांमुळे विद्युत अपघात होण्याची शक्यता असते. अशा दुर्घटना टाळण्यासाठी महावितरणने नागरिकांना वीज यंत्रणेपासून सतर्क राहण्याचा इशारा दिला आहे. तसेच पावसाळ्यात विद्युत उपकरणांसंबंधित कोणतीही समस्या उद्भवल्यास कोणती काळजी घेतली पाहिजे? यासंदर्भात महावितरणने नागरिकांना सूचना केल्या आहेत.

राज्यात बेस्ट, टाटा पॉवर, अदानी आणि महाराष्ट्र राज्य विद्युत वितरण कंपनी लि या वीजपुरवठा करतात. बेस्टचे एकूण १०.८ लाख ग्राहक आहेत. तर, टाटा पॉवर एकूण ७.५ लाख ग्राहकांना वीजपुरवठा करते. अदानीच्या ग्राहकांची संख्या ३१.५ लाख आहे. याशिवाय, महाराष्ट्र राज्य विद्युत वितरण कंपनी लि. म्हणजेच एसएसईडीसीएल सर्वाधिक २.८ कोटी ग्राहकांना वीजपुरवठा करते.

Maharashtra Weather Update : मुंबई, पुणे, रायगड, रत्नागिरीत तूफान बरसणार; विदर्भ, कोकण, मराठवाड्यातील जिल्ह्यांना अलर्ट

कोणती काळजी घ्यावी?

घरात किंवा इमारतीत बसवलेले मीटर केबिन पाण्यापासून पुरेसे सुरक्षित असल्याची खात्री करा.
परवानाधारक इलेक्ट्रिकल कॉन्ट्रॅक्टरकडून वायरिंगची तपासणी करून घ्या.
मीटरच्या केबिनमध्ये पाणी साचले किंवा गळती दिसल्यास ताबडतोब मुख्य स्विच बंद करा.
मीटरच्या केबिन, रस्त्यावरील दिव्याचे खांब किंवा इतर ठिकाणी स्पार्किंग दिसल्यास हेल्पलाइन नंबरवर कॉल करा.
मीटर केबिनमध्ये पाणी साचले असल्यास तिथे स्पर्श करू नका आणि त्यांच्यापासून सुरक्षित अंतर ठेवा.
इलेक्ट्रिक उपकरणे किंवा इंस्टॉलेशन्स हाताळताना लाकडी शिडीचा वापर करा.
जर तुमच्या घरातील उपकरणे पाण्याने भिजली असतील तर, ते चालू करण्यापूर्वी परवानाधारक किंवा परवानाधारक इलेक्ट्रिकल कॉन्ट्रॅक्टरकडून त्यांची तपासणी करून घ्यावी.

Mumbai : मुंबईतील ५० रुग्णालय, पालिका मुख्यालय महाविद्यालयांना बॉम्बने उडवण्याची धमकी; ईमेल करत दिला हल्याचा इशारा