बाप रे..! कोकणातील घाटात पडलेला मृतदेह यायचा तरुणाच्या स्वप्नात, घटनास्थळी गेल्यावर पोलीसही हादरले

तरुणाकडून घटनेची माहिती मिळतात खेड पोलिसांनी घटनास्थळी जाऊन पाहणी केली. यावेळी रस्त्याजवळच जंगलात मानवी कवटी आढळून आली व काही अंतरावर कुजलेला मृतदेह आढळला. जंगलात एका झाडाला दोरी लटकल्याचेही पोलिसांच्या निदर्शनास आले आहे. घटनास्थळी पोलिसांना एक बॅग आणि रेनकोटही सापडला आहे. मात्र या ठिकाणी सापडलेला मृतदेह कोणाचा आहे? हे अद्याप स्पष्ट झाले नसून हा सापळा एका पुरुषाचा असल्याचे सांगण्यात येत आहे. 

पुण्यातील गोखले संस्थेच्या कुलगुरूपदावरून हकालपट्टीनंतर डॉ. अजित रानडे यांची हायकोर्टात धाव, मिळाला तात्पुरता दिलासा

३० वर्षीय तरुणाच्या स्वप्नात यायचा मृतदेह -

भोस्ते घाटात हा मृतदेह सापडण्याचं विचित्र कारणही समोर आलं आहे. योगेश पिंपळ आर्या या ३० वर्षीय तरुणाच्या स्वप्नात डोंगरात निर्जन ठिकाणी असलेला मृतदेह दिसला होता. योगेश सिंधुदुर्ग जिल्ह्यातील सावंतवाडीच्या आजगाव येथे राहतो. योगेशने पोलिसांना सांगितले की, आपल्याला वारंवार हेच स्वप्न पडत आहे. त्यानं सांगितले की, खेड रेल्वे स्टेशनसमोर एका डोंगरात पुरुषाचा मृतदेह असून तो माझ्या स्वप्नात येऊन मदतीसाठी याचना करत आहे. 

धर्माचं भांडवल करू नका, गरिबांच्या पोरांचा बळी देऊ नका; इंदुरीकर महाराजांकडून पुढाऱ्यांची कानउघडणी

सुरुवातीला पोलिसांना तरुणाच्या दाव्यावर विश्वास बसला नाही. मात्र काय प्रकार आहे हे पाहण्यासाठी खेड पोलिसांनी त्या ठिकाणी जाऊन शोध घेतला. मात्र योगेशच्या स्वप्नात आलेल्या ठिकाणीच पोलिसांना मानवी कवटी आढळून आली. यानंतर पोलिसांनी दुर्गम डोंगराळ भागात शोध घेतला तेव्हा त्यांना कुजलेल्या अवस्थेतील मृतदेहही सापडला.

मृतदेह सापडलेला भाग योगेश आर्या राहतो त्या आजगावपासून शेकडो किमी दूर अंतरावर आहे. मात्र योगेशने आपल्या स्वप्नाबाबत जे सांगितलं ते हुबेहुब घाटात दिसलं. हा प्रकार पाहून स्थानिक नागरिकांसह पोलीसही अचंबित झाले. जंगलातील एका झाडाला दोरी आढळल्याने मृत व्यक्तीने आत्महत्या केल्याचा प्राथमिक अंदाज लावण्यात येत आहे. मात्र हा मृतदेह नेमका कुणाचा आणि हा घातपात की आत्महत्या? याचा तपास पोलीस करत आहेत.