sudhir mungantiwar : गोंडवाना विद्यापीठाकडून सांस्कृतिक कार्य मंत्री सुधीर मुनगंटीवार यांना मानद डी. लिट उपाधी प्रदान

गोंडवाना विद्यापीठाच्या ११आणि १२ व्या दीक्षांत सोहळा आयोजित करण्यात आला होता. या सोहळ्यात सुधीर मुनगंटीवार यांना ही पदवी प्रदान करण्यात आली. यावेळी गोंडवाना विद्यापीठाचे कुलगुरू डॉ. प्रशांत बोकारे, प्र-कुलगुरु डॉ. श्रीराम कावळे, रजिस्ट्रार डॉ. अनिल हिरेखण यांच्यासह विद्यापीठ व्यवस्थापन समिती सदस्य उपस्थित होते. सुधीर मुनगंटीवार यावेळी बोलतांना म्हणाले, गडचिरोली, चंद्रपूर या दुर्गम क्षेत्रातील विद्यार्थ्यांना शैक्षणिकदृष्ट्या सक्षम करण्याच्या दृष्टीने, आदिवासी संस्कृती आणि वैभवाला प्रतिष्ठा प्राप्त व्हावी यासाठी गोंडवाना विद्यापीठाच्या निर्मितीसाठी मी संघर्ष केला. सुंदर पर्यावरण, शुद्ध हवा, असणाऱ्या गडचिरोली जिल्ह्यात हे विद्यापीठ स्थापन करता आले याचा आनंद आहे. राष्ट्रसंत तुकडोजी महाराज नागपूर विद्यापीठाचा नामविस्तार, वैराग्यमूर्ती संत गाडगेबाबा विद्यापीठ अमरावतीचा नामविस्तार असेल किंवा क्रांतीज्योती सावित्रीबाई फुले पुणे विद्यापीठाचा नामविस्तार असेल या प्रत्येक अभियानात मी होतो हे मी माझे भाग्य समजतो. या सर्वं महामानवांच्या नावाने विद्यापीठात विद्यार्थ्यांनी पदवी घेताना स्वैराचारी शिक्षणाचा मार्ग न अवलंबता संस्कारित शिक्षणाचा मार्ग अंगीकारला पाहिजे. शिक्षण घेतल्यावर समाजाला "हम आपके है कोन" बनण्याच्या ऐवजी "हम साथ साथ है" चा भाव जन्माला आला पाहिजे, असे मुनगंटीवार म्हणाले.

Ajit Pawar : अल्पवयीन आरोपींचं वय आता १८ वरून १४ करणार; अजित पवार करणार अमित शहांशी चर्चा

मुनगंटीवार म्हणाले, विधानसभेत मी केलेल्या संसदीय संघर्षातून जे विद्यापीठ साकारले, त्याच्या विस्तारात मी योगदान देऊ शकलो, त्या विद्यापीठातर्फे झालेला हा सन्मान माझ्यासाठी खास आहे. या सन्मानामुळे मिळालेली प्रेरणा, ऊर्जा चंद्रपूर गडचिरोली जिल्ह्याच्या शैक्षणिक, सामाजिक विकासासाठी मला सहाय्यभूत ठरेल माझ्या कुटुंबात बहुतेक डॉक्टर आहेत; वडील सुप्रसिद्ध डॉक्टर होते; मी देखील डॉक्टर व्हावं ही बाबांची इच्छा होती. बाबांना आणीबाणीच्या काळात संघ स्वयंसेवक म्हणून १९ महिन्याचा कारावास झाला आणि माझ्या आयुष्याची दिशा बदलली, असेही ते म्हणाले.

Rahul Gandhi : दोन दिवसीय कोल्हापूर दौऱ्यात या कॉंग्रेस नेत्याच्या हॉटेलमध्ये राहुल गांधींचा मुक्काम