मराठी बातम्या  /  महाराष्ट्र  /  SRPF jawan suicide : धक्कादायक! सचिन तेंडुलकरच्या घरी सुरक्षारक्षक म्हणून काम करणाऱ्या एसआरपीएफ जवानाची आत्महत्या

SRPF jawan suicide : धक्कादायक! सचिन तेंडुलकरच्या घरी सुरक्षारक्षक म्हणून काम करणाऱ्या एसआरपीएफ जवानाची आत्महत्या

Ganesh Pandurang Kadam HT Marathi
May 15, 2024 10:58 AM IST

मास्टर ब्लास्टर सचिन तेंडुलकर याच्या घरी सुरक्षारक्षक म्हणून काम करणाऱ्या एसआरपीएफ जवानानं आत्महत्या केली आहे.

सचिन तेंडुलकरच्या घरी ड्युटीवर असलेल्या एसआरपीएफ जवानाची आत्महत्या
सचिन तेंडुलकरच्या घरी ड्युटीवर असलेल्या एसआरपीएफ जवानाची आत्महत्या

Prakash Kapade Suicide : भारताचा माजी क्रिकेटपटू तथा भारतरत्न सचिन तेंडुलकर याच्या सुरक्षेत तैनात असलेल्या राज्य राखीव पोलीस दलाच्या (SRPF) जवानानं स्वत:वर गोळ्या झाडून आत्महत्या केली आहे. स्वत:च्या घरी असताना त्यानं हे टोकाचं पाऊल उचललं. या घटनेमुळं सर्वत्र हळहळ व्यक्त होत आहे.

ट्रेंडिंग न्यूज

प्रकाश कापडे असं या सुरक्षा रक्षकाचं नाव आहे. जळगाव जिल्ह्यातील जामनेर इथं आपल्या राहत्या घरी कापडे यांनी स्वत:ला संपवलं आहे. त्यांच्या आत्महत्येचं कारण अद्याप समोर आलेलं नाही. या प्रकरणी पोलिसांनी चौकशी सुरू केली आहे.

मागच्या १५ वर्षांपासून एसआरपीएफच्या सेवेत असलेल्या प्रकाश कापडे यांनी मंत्री छगन भुजबळ, केंद्रीय मंत्री नारायण राणे यांच्याकडंही सुरक्षारक्षक म्हणून काम केलं होतं. सध्या ते सचिनच्या मुंबईतील घरी सुरक्षेत तैनात होते. आठवडाभरापूर्वी ते जामनेर इथल्या गणपती नगर भागातील आपल्या घरी परतले होते. गणपती नगर येथील घरी आले होते. आज पहाटे घरात त्यांचा मृतदेह आढळून आला. त्यांच्या पश्चात आई, वडील, पत्नी, दोन मुले असा परिवार आहे. या घटनेनंतर कापडे यांच्या घरीबाहेर आजूबाजूच्या लोकांनी व बघ्यांनी प्रचंड गर्दी केली आहे.

आत्महत्येचं कारण काय?

गोळीबाराचा आवाज झाल्यानंतर घरातील लोक धावत त्यांच्या खोलीच्या दिशेनं गेले. तेव्हा ते रक्ताच्या थारोळ्यात पडलेले दिसले. हे दृश्य पाहून कुटुंबीय हादरून गेले. मात्र स्वत:ला सावरत त्यांनी पोलिसांना माहिती दिली. पोलिसांनी तात्काळ घटनास्थळी धाव घेऊन मृतदेह शवविच्छेदनासाठी जिल्हा रुग्णालयात पाठविण्यात आला आहे. आत्महत्येचं कारण अस्पष्ट आहे. शवविच्छेदनाचा अहवाल आल्यानंतर व पुरेशा तपासानंतर कारण स्पष्ट होईल, असं पोलिसांनी म्हटलं आहे.

IPL_Entry_Point

विभाग