बाबा सिद्दीकी खून प्रकरणाचे विदर्भाशी कनेक्शन! मूळचा अकोला जिल्ह्यातील असलेल्या लोणकरला पुण्यातून अटक
Baba Siddique Murder Case : अजित पवार गटाचे नेते व माजी आमदार व मंत्री बाबा सिद्दीकी यांच्या हत्येचे कनेक्शन थेट विदर्भातील अकोला जिल्ह्याशी जुडले गेले आहे. पुण्यातील अटक करण्यात आलेला आरोपई हा अकोला जिल्ह्यातील असल्याचं स्पष्ट झालं आहे.
Baba Siddique Murder Case : अजित पवार गटाचे नेते आणि माजी मंत्री बाबा सिद्दीकी यांची शनिवारी मुंबईत हत्या करण्यात आली. या हत्येची जबाबदारी लॉरेन्स बिश्नोई टोळीने घेतली आहे. शुभू लोणकर यांच्या फेसबुक अकाउंटवरून ही माहिती देण्यात आली आहे. मात्र, आता या प्रकरणाला नवा ट्विस्ट आला असून या हत्याकांडाचे अकोला कनेक्शन समोर आले आहे. ज्याने ही पोस्ट केली आहे तो शुभम रामेश्वर लोणकर कोण आहे ? याच पोलिस तपास करत आहेत.
लोणकरच्या फेसबुकची होतेय तपासणी
बाबा सिद्दीकी यांच्या हत्येची जबाबदारी स्वीकारणाऱ्या फेसबुक पोस्टची केंद्रीय यंत्रणांकडून चौकशी सुरू करण्यात आली आहे. ही पोस्ट शुभू लोणकर यांच्या अकाउंटवरून पोस्ट करण्यात आली आहे. शुभम लोणकरचे हे फेसबुक हँडल असून त्याचे खरे नाव शुभम लोणकर असावे असा अंदाज वर्तवला जात आहे. शुभम लोणकर हा मूळचा अकोला जिल्ह्यातील अकोट येथील रहिवासी असून, यापूर्वीही अकोला पोलिसांनी शुभम लोणकरवर कारवाई केली होती. त्याच्याकडून तीन पिस्तुले जप्त करण्यात आली आहे. बाबा सिद्दीकी यांच्या हत्ये प्रकरणी आता अकोल्याचा तरुण रडारवर आला आहे.
पोलिसांनी अकोला पोलिसांना शुभम लोणकरची चौकशी केली असता, त्याच्यावर फेब्रुवारी महिन्यात कारवाई केल्याचे पोलिसांनी सांगितले. शुभम लोणकर आणि शुभम लोणकर एकच व्यक्ती असू शकते. अकोला पोलिसांच्या स्थानिक गुन्हे शाखेचे पोलिस निरीक्षक शंकर शेळके यांनी सांगितले की, शुभू लोणकर याने या हत्ये प्रकरणी पोस्ट का केली ? या बाबत माहिती देऊ शकत नाही. त्याबद्दल काही बोलणे हे चुकीचे ठरेल.
कोण आहे शुभम लोणकर?
लॉरेन्स बिश्नोई आणि त्याचा लहान भाऊ अनमोल बिश्नोई यांच्या संपर्कात असलेल्या शुभम लोणकरला अकोला पोलिसांनी बंदूक तस्करी प्रकरणी अटक केली होती. शुभम हा बंदूक तस्करीचा मास्टरमाईंड असल्याचे समजते. त्याच्याकडून बंदुका विकत घेणाऱ्या तिघांना अकोट पोलिसांनी अटक केली आहे. शुभम हा मूळचा अकोला जिल्ह्यातील अकोट येथील रहिवासी आहे. 'तो' गेल्या अनेक दिवसांपासून पुण्यातील वारजे शहरात राहत होता, अकोट शहर पोलिसांनी शुभमला पुण्यातून ताब्यात घेतले होते. नंतर या प्रकरणात त्यांची जामिनावर सुटका झाली.
पुण्याशीही कनेक्शन.
बाबा सिद्दीकीच्या हत्येचे पुणे कनेक्शनही समोर आले आहे. धर्मराज कश्यप नावाच्या हल्लेखोराने बाबा सिद्दीकी यांच्यावर गोळीबार केला. धर्मराज कश्यप हा उत्तर प्रदेशचा रहिवासी आहे, मात्र तो काही दिवसांपासून पुण्यात कचरा वेचक म्हणून काम करत होता. बाबा सिद्दीकी यांच्यावर हल्ला करणाऱ्यांकडे पुण्यातून पिस्तुल पुरवल्याचे देखील पोलिस तपासात उघड झाले आहे.
संबंधित बातम्या