mahesh shinde vs Amol mitkari: महेश शिंदेंनी आई-बहिणीवरून शिवीगाळ केली; अमोल मिटकरींचा आरोप
Amol Mitkari allegations on Mahesh Shinde: राज्यातील जनतेच्या प्रश्नांवर चर्चा करण्याचे पवित्र व्यासपीठ असलेल्या विधानभवनाच्या पायऱ्यांवर आज अतिशय विदारक आणि लज्जास्पद चित्र पहायला मिळाले.
Amol Mitkari on Scuffle at Vidhan Bhavan: राज्यातील जनतेच्या प्रश्नांवर चर्चा करण्याचे पवित्र व्यासपीठ असलेल्या विधानभवनाच्या पायऱ्यांवर आज अतिशय विदारक आणि लज्जास्पद चित्र पहायला मिळाले. सत्ताधारी एकनाथ शिंदे गटाचे आमदार आणि विरोधी पक्षाचे आमदार विधानभवनाच्या पायऱ्यांवर एकमेकांच्या अंगावर धावून आले. काहींनी धक्काबुक्की केली.
यादरम्यान शिंदे गटाचे सातारा जिल्ह्यातील कोरेगावचे आमदार महेश शिंदे यांनी आई-बहिणीवरून शिवीगाळ केली असल्याचा आरोप राष्ट्रवादी कॉंग्रेसचे विधानपरिषदेचे आमदार अमोल मिटकरी यांनी केली आहे. मिटकरी यांनी याविषयीची तक्रार मुख्यमंत्री एकनाथ शिंदे यांच्याकडे केली असून शिवीगाळ करणाऱ्या आमदाराला समज द्यावी, अशी विनंती केली आहे.
अमोल मिटकरी म्हणाले की पावसाळी अधिवेशनात पहिल्या दिवसापासून विरोधी पक्षाचे आमदार शेतकऱ्यांच्या प्रश्नावर निदर्शन करत आहे. परंतु आज चक्क सत्ताधारी गटाचे आमदार विधानभवनाच्या पायऱ्यांवर अवतरले. सत्ताधारी आणि विरोधक आमनेसामने आल्यानंतर घोषणाबाजी सुरू झाली. यादरम्यान सत्ताधारी शिंदे गटाचे आमदार महेश शिंदे एकदम आक्रमक झाल्याचे दिसले. ते राष्ट्रवादी कॉंग्रेसचे विधानपरिषदेतील आमदार अमोल मिटकरींच्या अंगावर धावून गेल्याचे दिसून आले. यादरम्यान महेश शिंदे यांनी आपल्याला आईबहिणीवरून शिवीगाळ केली असल्याचा आरोप मिटकरी यांनी केला. सुरूवात ही त्यांनी केली. त्यांच्याकडून अशाप्रकारचं गैरवर्तन झालेलं आहे, असा आरोप आमदार अमोल मिटकरी यांनी केला.
संबंधित बातम्या