‘गद्दार’ कमेंटबाबत कोणताही पश्चाताप नाही, माफी तेव्हाच मागणार जेव्हा.. कुणाल कामराची मुंबई पोलिसांसमोर स्पष्टोक्ती

एनडीटीव्हीने सूत्रांच्या हवाल्याने दिलेल्या वृत्तानुसार, कामारा यांनी मुंबई पोलिसांना सांगितले आहे की, आपल्या 'गद्दार' किंवा 'देशद्रोही' वक्तव्याबद्दल आपल्याला कोणताही पश्चाताप नाही आणि न्यायालयाने सांगितल्यासच मी माफी मागणार आहे. एकनाथ शिंदे यांना लक्ष्य करण्यासाठी विरोधकांनी पैसे दिल्याचा आरोप आणि अफवा कामरा यांनी फेटाळून लावल्याचेही पोलिस सूत्रांनी सांगितले. कामरा यांनी पोलिसांना त्यांच्या आर्थिक व्यवहारांची चौकशी करून पैसे देण्यात आले की नाही हे स्पष्ट करण्यास सांगितले आहे.

कामरा विरोधात गुन्हा नोंद -

एका कार्यक्रमादरम्यान महाराष्ट्राचे उपमुख्यमंत्री एकनाथ शिंदे यांच्याबद्दल आक्षेपार्ह वक्तव्य केल्याप्रकरणी स्टँडअप कॉमेडियन कुणाल कामरा यांच्याविरोधात मुंबई पोलिसांनी एफआयआर दाखल केला आहे. मुंबईतील खार परिसरातील हॅबिटॅट स्टुडिओची तोडफोड करणाऱ्या शिवसेनेच्या सुमारे ४० कार्यकर्त्यांविरोधात पोलिसांनी गुन्हा दाखल केला आहे. कामरा यांच्या कॉन्सर्टचे चित्रीकरण झालेल्या मुंबईतील खार परिसरातील 'हॅबिटॅट कॉमेडी क्लब'ची शिवसेनेच्या कार्यकर्त्यांनी तोडफोड केली. या कार्यक्रमात कामरा यांनी शिंदे यांच्यावर 'गद्दार' अशा शब्दात निशाणा साधला.

एकनाथ शिंदे यांच्या बंडखोरीबाबत कमेंट -

२०२२ मध्ये तत्कालीन मुख्यमंत्री उद्धव ठाकरे यांच्याविरोधात शिंदे यांनी केलेल्या बंडाचा संदर्भ देत कामरा यांनी आपल्या कार्यक्रमात 'दिल तो पागल है' चित्रपटातील एका गाण्याची सुधारित आवृत्ती गायली होती. फडणवीस म्हणाले की, कोण देशद्रोही आणि कोण गद्दार हे 2024 च्या विधानसभा निवडणुकीच्या निकालांनी दाखवून दिले आहे. शिवसेनाप्रमुख बाळासाहेब ठाकरे यांच्या वारशाचे खरे वारसदार म्हणून जनतेने शिंदे यांच्यावर शिक्कामोर्तब केले आहे.

फडणवीस म्हणाले की, बाळासाहेब ठाकरे यांच्या विचारधारेशी गद्दारी करणाऱ्यांना जनतेने पराभूत केले आहे. लोकांना व्यंग्य आणि विनोद करण्याचे स्वातंत्र्य आहे, परंतु जाणूनबुजून एखाद्या व्यक्तीचा अपमान करण्याची परवानगी नाही. कामरा यांनी राहुल गांधी यांनी ठेवलेले संविधानाचे लाल पुस्तक दाखवले. दोघांनीही राज्यघटना वाचलेली नाही. पुस्तक दाखवून तो आपल्या कृत्याचे औचित्य सिद्ध करू शकत नाही. संविधान सांगते की जेव्हा तुम्ही इतरांच्या स्वातंत्र्यावर हल्ला करता तेव्हा स्वतःच्या स्वातंत्र्यावर बंधने येतात. राहुल गांधी यांच्या राज्यघटनेची (रेड बुक) प्रत दाखवून कामरा आपल्या कृत्याचे समर्थन करू शकत नाहीत आणि कारवाईपासून वाचू शकत नाहीत.