Ganeshotsav 2024 : गणेश भक्तांसाठी खुशखबर! मुख्यमंत्र्यांकडून गणेशोत्सव काळात टोलमाफीची घोषणा, कुठे मिळणार फ्री पास?

मुंबई-पुण्यातून गणेशोत्सवासाठी कोकणात जाणाऱ्या गणेशभक्तांना टोलमाफीसह अन्य सुविधा उपलब्ध करुन देण्याचे निर्देश मुख्यमंत्र्यांनी १४ ऑगस्ट रोजी झालेल्या गणेशोत्सव पूर्वतयारी आढावा बैठकीत दिले होते. त्यानुसार आज सार्वजनिक बांधकाम विभागाने पथकर सवलतीचा शासन निर्णय जारी केला आहे.

MSRTC Employees Strike : बाप्पा पावला! एसटी कर्मचाऱ्यांकडून संप अखेर मागे, मूळ वेतनात घसघशीत वाढ!

कुठे मिळणार फ्रि पास –

गणेशोत्सवासाठी राज्यातील विविध भागातील गणेश भक्त कोकणात आपल्या गावी जातात. यादरम्यान हजारो प्रवाशांना टोल भरावा लागतो. मात्र सरकारच्या निर्णयाने हजारो गणेशभक्तांना दिलासा मिळाला आहे. गणेशभक्तांना उद्यापासूनच टोलमाफी दिली आहे. गणेश उत्सवासाठी गावी निघालेल्या गणेश भक्तांच्या सर्व गाड्या आणि राज्य मार्ग परिवहन महामंडळ यांच्या बसेस देखील टोल नाक्यावर मोफत सोडल्या जाणार आहेत. टोलमाफी सवलत मिलवण्यासाठी फ्री पास घेणे आवश्यक आहे. त्यासाठी संबंधित वाहतूक विभागाकडे संपर्क करण्याचे आवाहन राज्य सरकारकडून करण्यात आले आहे.

नागपूर-गोवा ‘शक्तीपीठ महामार्ग’ रद्द होणार; शेतकऱ्यांचा कडाडून विरोध

सरकारच्या टोलमाफी सवलतीसाठी वाहनांवर  ‘गणेशोत्सव २०२४, कोकण दर्शन’  अशा आशयाचे स्टीकर्स असणारे टोल माफी पास दर्शनी भागावर लावालेत. त्यावर वाहन क्रमांक, चालकाचे नाव असा मजकूर लिहून ते स्टीकर्स आवश्यक त्या संख्येनुसार परिवहन विभाग, वाहतूक पोलीस, पोलीस, संबंधित प्रादेशिक परिवहन विभाग (आर.टी.ओ.) यांनी समन्वय साधून पोलीस ठाणे, वाहतूक पोलीस चौक्या व आर.टी.ओ. कार्यालयांमध्ये उपलब्ध करुन देण्याचे आवाहन सरकारने केले आहे.

हाच पास परतीच्या प्रवासासाठीही ग्राह्य धरला जाणार आहे. त्यामुळे पुन्हा पास काढण्याची गरज नाही. त्याचबरोबर गणेशोत्सवासाठी ज्या जिल्ह्यातून बसेस कोकणात जातील, त्या ठिकाणच्या पोलीस किंवा आरटीओ यांच्याकडून हे पास एसटी महामंडळाला उपलब्ध करून देण्यात येणार आहेत.