बुलढाणा दुर्घटनेला मुख्यमंत्री आणि उपमुख्यमंत्री जबाबदार; इम्तियाज जलील यांच्या वक्तव्यानं खळबळ

इम्तियाज जलील म्हणाले की, "मी याला अपघात म्हणणार नाही, हा घात आहे आणि हा घात मुख्यमंत्री आणि उपमुख्यमंत्र्यांनी केला आहे. त्यांनी राजकीय स्वार्थासाठी कोणतीही सोड सेफ्टी न पाहता हे उद्घाटन केले. रोड सेफ्टीचे नियम असतात. त्याचं क्लिअरन्स मिळालं आहे का तुम्हाला? काय दोष आहेत? इथे का अपघात होत आहेत? असा प्रश्नही त्यांनी उपस्थित केला.

एकनाथ शिंदे आणि देवेंद्र फडणवीस यांना सत्ता गेल्यानंतर कोणतरी दुसरे येऊन उद्घाटन करेल, अशी भिती वाटत होती. म्हणून त्यांनी घाई गडबडीत रस्त्याचे उद्घाटन केले. हा अपघात नसून हत्या आहे. याला एकनाथ शिंदे आणि देवेंद्र फडणवीस जबाबदार आहेत, जे आता पाच लाखांची घोषणा करण्यासाठी आले आहेत.

Buldhana Bus Accident : नोकरी ज्वाईन करण्यासाठी जातानाच काळाचा घाला, वर्ध्याच्या अभियंता तरुणीचा होरपळून मृत्यू

मुख्यमंत्री सहायता निधीतून ५ लाखांची मदत

या भीषण अपघाताबद्दल मुख्यमंत्री एकनाथ शिंदे यांनी तीव्र दुःख व्यक्त केले आहे. या अपघातातील मृत आणि त्यांच्या कुटुंबिंयांप्रति सहवेदना प्रकट करुन या दुर्दैवी घटनेतील मृतांच्या नातेवाईकांना मुख्यमंत्री सहायता निधीमधून प्रत्येकी ५ लाख रुपयांची मदत मुख्यमंत्र्यांनी जाहीर केली आहे.