Eknath Shinde : ‘मोदी-शहा ज्यांना मुख्यमंत्री करतील ते मान्य…' एकनाथ शिंदेंनी मुख्यमंत्रीपदावरचा दावा सोडला

शिंदे म्हणाले, ‘मुख्यमंत्रीपदावरून मी नाराज नाही. आम्ही नाराज होऊन रडणारे नाही. आम्ही लढणारे लोक आहोत. महायुतीचा एवढा मोठा विजय झाला आहे. हा ऐतिहासिक विजय आहे. यासाठी आम्ही जीव तोडून मेहनत घेतली होती. मी स्वतः काल पंतप्रधान नरेंद्र मोदी आणि गृहमंत्री अमित शाह यांना फोन केला होता. राज्यात सरकार बनवताना माझी कुठलीही अडचण नाही. त्यांनी मला अडीच वर्ष मुख्यमंत्री म्हणून संधी दिली आहे. त्यामुळे मुख्यमंत्रीपदाबाबत काय तो निर्णय तुम्ही घ्यावा. एनडीएचे प्रमुख म्हणून तुमचा निर्णय शिवसेनेला मान्य असेल.' असं मोदी आणि अमित शाह यांना सांगितलं असल्याचं शिंदे म्हणाले. 

हे वाचाः इस्रायली तंत्रज्ञानाने ईव्हीएम मशीन हॅक केले गेले! शरद पवार यांच्या शिलेदाराचा गंभीर आरोप

भाजपच्या मुख्यमंत्रीपदासाठी मार्ग मोकळा

दरम्यान, एकनाथ शिंदे यांनी मुख्यमंत्रीपदाच्या स्पर्धेतून माघार घेतल्यामुळे भाजपला पक्षाचा मुख्यमंत्री करण्याबाबतचा मार्ग मोकळा झाला आहे. भाजपमधून देवेंद्र फडणीवस यांच्या नावावर सर्वसम्मती तयार होत असून फडणीवस हे नवे मुख्यमंत्री असण्याची शक्यता वर्तवण्यात येत आहे. दरम्यान, भाजपमधून फडणवीस व्यतिरिक्तही काही नावांची चर्चा सुरू आहे.

शिंदेंंना केंद्रीय मंत्रिमंडळात स्थान मिळण्याची शक्यता

दरम्यान, राज्याची धुरा देवेंद्र फडणवीस यांच्या खांद्यावर दिल्यास एकनाथ शिंदे यांना मोदी कॅबिनेटमध्ये स्थान मिळण्याची शक्यता आहे.

हे वाचाः मुख्यमंत्रीपद जाताच एकनाथ शिंदे यांचा नवा डाव! ‘एकतर मला गृहमंत्री करा किंवा माझ्या मुलाला…’

शिंदेंच्या भूमिकेचं भाजपकडून स्वागत

एकनाथ शिंदे यांनी घेतलेल्या भूमिकेचं भाजपचे प्रदेशाध्यक्ष चंद्रशेखर बावनकुळे यांनी स्वागत केले आहे. एकनाथ शिंदे यांची भूमिका महाराष्ट्राला पुढे नेण्याची असल्याचे बावनकुळे म्हणाले. शिंदे हे लढवय्ये नेते आहेत. एकनाथ शिंदे यांनी राज्यात महायुती मजबूत केली असल्याचे बावनकुळे म्हणाले. मुख्यमंत्रीपदाबाबत पंतप्रधान नरेंद्र मोदी आणि गृहमंत्री अमित शाह निर्णय घेतील असं ते म्हणाले.

हे वाचाः निवडणूक आयोगाचा महाआघाडीला दिलासा; राज्यातील 'या' विधानसभा मतदारसंघात होणार फेर मतमोजणी