ईडीमुळे नाही तर विकासासाठी भाजप सोबत! पुस्तकातील 'त्या' विधानावरुन छगन भुजबळांचा घुमजाव

ईडीच्या व्यक्तव्यावरून भुजबळ यांचा घुमजाव

एका वृत्तवाहिनीशी बोलतांना छगन भुजबळ म्हणाले, मी कोणत्याही वृत्तपत्राला कोणतीच मुलाखत दिलेली नाही. आम्ही ईडीच्या भीतीमुळे भाजपसोबत गेल्याच आरोप आमच्यावर सुरूवातीपासून होतो आहे. मला महाराष्ट्र सदन प्रकरणातून देखील न्यायालयाने क्लिनचीट दिली असतांना आम्हाला कोणत्याच चौकशीची भीती नाही. आम्ही भाजपसोबत विकासासाठी गेलो. आम्ही आमच्या मतदार संघात अनेक विकासकामे केली आहे. मात्र, हे आताच का छापण्यात आलं या बद्दल शंका आहे. राजदिप सरदेसाई यांचं पुस्तक मी अद्याप वाचले नाही. त्यामुळे त्यात काय लिहिले आहे याची माहिती नाही, त्यात अनेक नको त्या गोष्टी लिहिण्यात आल्या असून या मागे नेमका काय हेतु आहे हे माहिती नाही. त्यामुळे मी माझ्या वकिलाशी बोलून या संदर्भात निर्णय घेईन असे भुजबळ म्हणाले.

पुण्यात धमकीसत्र सुरूच! भारती विद्यापीठ वैद्यकीय महाविद्यालयाला बॉम्बने उडवून देण्याच्या मेलने खळबळ

या प्रकरणी राजदिप सरदेसाई म्हणाले, मी कोणत्याही राजकीय पक्षाचा नाही. मी पत्रकार असून राजकारण करत नाही. नागरिकांनी हे पुस्तक वाचायला हवे आहे. जी वस्तुस्थिती आहे ती मी पुस्तकात मांडली आहे. राजकारण ज्यांना करायचा ते करतील. मला मात्र, यात पडायचे नाही. छगन भुजबळ याच्यासोबत मी विविध विषयांवर बोललो आहे. त्यामुळे संपूर्ण पुस्तक वाचून यावर बोलावे असे देसाई म्हणाले. या पुस्तकाचा आणि निवडणुकाचा काही संबंध नाही, असे देखील सरदेसाई म्हणाले.

ईडीपासून सुटका करून घेण्यासाठीच अजित पवारांच्या नेतृत्वात आम्ही भाजप सोबत गेलो; छगन भुजबळ यांची जाहीर कबुली