मराठी बातम्या  /  महाराष्ट्र  /  Maharashtra weather update: विदर्भात आज गारपीटीची शक्यता! 'या' जिल्ह्यांना यलो आणि ऑरेंज अलर्ट; वाचा हवामानाचा अंदाज

Maharashtra weather update: विदर्भात आज गारपीटीची शक्यता! 'या' जिल्ह्यांना यलो आणि ऑरेंज अलर्ट; वाचा हवामानाचा अंदाज

Ninad Vijayrao Deshmukh HT Marathi
Mar 17, 2024 07:23 AM IST

Maharashtra weather update: राज्यात आज देखील वादळीवाऱ्यासह पासवाचा इशारा देण्यात आला आहे. विदर्भात काही जिल्ह्यात आज गारपीट होण्याची शक्यता आहे. तर काही ठिकाणी वादळी वाऱ्यासह पाऊस होण्याची शक्यता आहे.

विदर्भात आज गारपीटीची शक्यता! 'या' जिल्ह्यांना यलो आणि ऑरेंज अलर्ट
विदर्भात आज गारपीटीची शक्यता! 'या' जिल्ह्यांना यलो आणि ऑरेंज अलर्ट (HT)

Maharashtra weather update: राज्यात आज विदर्भात काही जिल्ह्यात वादळी वाऱ्यासह वीजांचा कडकडाट आणि मेघगर्जनेसह गारपीट होण्याची शक्यता आहे. यामुळे विदर्भातील काही जिल्ह्यांना यलो आणि ऑरेंज अलर्ट देण्यात आला आहे. प्रामुख्याने, आज गडचिरोली जिल्ह्यात गारपीट होण्याचा अंदाज आहे. तर वर्धा, नागपूर, यवतमाळ, जिल्ह्यात देखील वादळी वाऱ्यासह गारपीट होण्याची शक्यता असल्याने या ठिकाणी ऑरेंज अलर्ट देण्यात आला आहे.

CTA icon
तुमच्या शहरातील हवामान जाणून घेण्यासाठी येथे क्लिक करा

Indapur Murder: इंदापूर हादरले! हॉटेलमध्ये जेवण करण्यासाठी थांबलेल्या सराईत गुन्हेगाराची गोळ्या झाडून हत्या

हवामान विभागाच्या पुणे वेध शाळेने दिलेल्या माहितीनुसार राज्यावर शनिवारी उत्तर ओरिसापासून पूर्व विदर्भापर्यंत असलेली द्रोणीका रेषा आज सबहिमालय वेस्ट बेंगालपासून कोस्टल आंध्रप्रदेशा पर्यंत आहे. तर एक द्रोणिका रेषा मराठवाड्यापासून कर्नाटक व तमिळनाडू मधून कमोरीन एरिया पर्यंत जात आहे. त्यामुळे विदर्भ व लगतच्या मराठवाड्यावर आद्रता वाढत असून यामुळे पुढील काही दिवस मराठवाडा व विदर्भात पावसाची शक्यता वर्तवण्यात आली आहे. तर विदर्भात गारपिट आणि पाऊस होण्याची शक्यता आहे. तर राज्याच्या इतर भागात हवामान कोरडे राहणार असून काही ठिकाणी तापमानात वाढ होणार आहे.

Bharat Jodo Nyaya Yatra: भारत जोडो न्याय यात्रेचा मुंबईत समारोप, चैत्यभूमीवर राहुल गांधींनी वाचली संविधानाची प्रस्तावना!

विदर्भात आज गडचिरोली व गोंदिया जिल्ह्यात मेघा गर्जना व विजांच्या कडकडाटासह पावसाची व गारा पडण्याची शक्यता वर्तवण्यात आली आहे. यामुळे या जिल्ह्यात आज गेलो अलर्ट देण्यात आला आहे. आज १७ तारखेला गोंदिया, भंडारा व नागपूर जिल्हात मेघगर्जना व विजांच्या कडकडाट व सोसाट्याच्या वाऱ्यासह गारा पडण्याची शक्यता आहे. तर १८ मार्चला गोंदिया भंडारा व गडचिरोली जिल्ह्यात मेघगर्जना व विजांच्या कडकडात व सोसाट्याच्या वाऱ्यासह गारा पडण्याची शक्यता आहे. तर १९ मार्चला अमरावती भंडारा व नागपूर आणि वर्धा जिल्ह्यात मेघगर्जना व विजांच्या कडकडाटासह सोसाट्याच्या वाऱ्यासह गारा पडण्याची शक्यता आहे. त्यामुळे या जिल्ह्यांना ऑरेंज अलर्ट देण्यात आलेला आहे.

पुण्यात असे असेल हवामान

पुण्यात पुढील पाच-सहा दिवस आकाश मुख्यतः निरभ्र राहील. पुढील ४८ तास पहाटे धुके पडण्याची शक्यता आहे. २१ मार्चपर्यंत कमाल व किमान तापमानात फारसा बदल होणार नाही. त्यानंतर मात्र कमाल व किमान तापमानात किंचित वाढ होण्याची शक्यता आहे.

IPL_Entry_Point