शिवसेना आमदार संजय गायकवाड यांच्यावर गुन्हा दाखल; काय आहे प्रकरण?

आमदार संजय गायकवाड यांच्याविरोधात नागपूर येथील रीटा उपाध्याय यांनी राजूर येथील दीड एकर शेतजमीन बळकावल्याचा आरोप केला होता. या महिलेला जिवे मारण्याची धमकीसुद्धा देण्यात आल्याचे समोर आले होते. तिची जमीन बळकावून  त्या जमिनीवर आमदार संजय गायकवाड यांनी फार्म हाऊस बांधल्याचा आरोप करण्यात येत आहे. 

जर्मनीच्या मदतीने राज्यातील ४ लाख तरूणांना प्रशिक्षित करून रोजगार देणार–एकनाथ शिंदे

महिलेने आरोप केला होता की, गुन्हा दाखल करण्यास पोलीस टाळाटाळ करत असल्याने हे प्रकरण उच्च न्यायायात दाखल करण्यात आले होते. यावर मोताळा येथील दिवाणी व फौजदारी न्यायालयाने कारवाईचे आदेश दिले होते. या आदेशानुसार आमदार गायकवाड यांच्यासह मृत्यूंजय गायकवाड, सोमनाथ चौबे, दिपाली चौबे आणि ज्ञानेश्वर वाघ यांच्यावर गुन्हा दाखल करण्यात आला आहे.

गेल्या काही दिवसांपूर्वी आमदार संजय गायकवाड वाघाच्या शिकारीप्रकरणामुळेही चर्चेत आले होते. त्यांची वक्तव्य केले होते की, मी १९८७ मध्ये वाघाची शिकार केली होती व त्याचा दातही गळ्यात असल्याचे म्हटले होते. या प्रकरणात वन विभागाने त्यांच्यावर गुन्हा दाखल केला होता.