मराठी बातम्या  /  महाराष्ट्र  /  jitendra awhad: जितेंद्र आव्हाड यांच्या विरोधात आंदोलन तीव्र! कुत्र्याच्या गळ्यात फोटो अडकवून निषेध! पुण्यात गुन्हा दाखल

jitendra awhad: जितेंद्र आव्हाड यांच्या विरोधात आंदोलन तीव्र! कुत्र्याच्या गळ्यात फोटो अडकवून निषेध! पुण्यात गुन्हा दाखल

May 30, 2024 12:42 PM IST

BJP proteste against jitendra awhad : मनुस्मृतीचा अभ्यासक्रमात समावेश करण्याच्या निर्णयाचा निषेध करत आव्हाड यांनी महाड येथे चवदार तळ्याजवळ आंदोलन केले. यावेळी आव्हाड यांच्याकडून डॉ. बाबासाहेब आंबेडकर यांचा फोटो असलेले पोस्टरही फाडण्यात आल्याचे समोर आले आहे. यावरून भाजपने आक्रमक पवित्रा घेतला आहे.

मनुस्मृतीविरोधात आंदोलन करताना जितेंद्र आव्हाडांनी फाडला बाबासाहेब आंबेडकरांचा फोटो
मनुस्मृतीविरोधात आंदोलन करताना जितेंद्र आव्हाडांनी फाडला बाबासाहेब आंबेडकरांचा फोटो

BJP proteste against jitendra awhad : राष्ट्रीय शैक्षणिक धोरणानुसार, 'एससीईआरटी' ने राज्याच्या शालेय अभ्यासक्रमात मनुस्मृतीमधील काही श्लोकांचा समावेश करण्याचा प्रस्ताव मांडल्याच्या विरोधात राष्ट्रवादी काँग्रेस शरद पवार गटाचे नेते जितेंद्र आव्हाड यांनी बुधवारी महाड येथे चवदार तळ्याजवळ आंदोलन केले. या आंदोलनावेळी आव्हाडांकडून मनुस्मृती ग्रंथाचे दहन करण्यात आले. परंतु यावेळी आव्हाड आणि त्यांच्या कार्यकर्त्यांकडून डॉ. बाबासाहेब आंबेडकर यांचा फोटो असलेले पोस्टरही फाडण्यात आल्याने भाजप आक्रमक झाली आहे.

ट्रेंडिंग न्यूज

Monsoon Updates आला रे मॉन्सून आला! केरळ, उत्तर-पूर्व भारतात एकत्रच दाखल ! राज्यात लवकरच करणार प्रवेश

आव्हाड यांनी माफी मागितली असली तरी आज भाजप, आणि अजित पवार गटातर्फे आंदोलन करण्यात येत आहे. आव्हाड यांच्या विरोधात या प्रकरणी मुंबई, पुणे, संगमनेर, धुळे या ठिकाणी गुन्हे दाखल झाले आहे. जितेंद्र आव्हाड यांच्यावर कारवाईची मागणी केली जात आहे.

Hinjewadi IT Park: हिंजवडी आयटी पार्कच्या भरभराटीला 'ट्रॅफिक जॅम'चा ब्रेक! ३७ आयटी कंपन्यांचे राज्याबाहेर स्थलांतर

पुण्यात बंडगार्डन पोलिस ठाण्यात जितेंद्र आव्हाड यांच्या विरोधात गुन्हा दाखल करण्यात आला आहे. या प्रकरणी भीमराव बबन साठे यांनी तक्रार दिली आहे. त्यानुसार आव्हाड यांच्यावर गुन्हा दाखल करण्यात आला आहे. तर संगमनेर येथील पोलिस ठाण्यात देखील आव्हाड यांच्या विरोधात गुन्हा दाखल करण्यात आला आहे. कलम ५०४ अन्वये शांततेचा भंग करण्याच्या हेतूने अपमान केल्याप्रकरणी आव्हाड यांच्याविरुद्ध गुन्हा दाखल झाला आहे.

Fraud Calls : बँकांच्या नावाने येणारे फसवे कॉल रोखण्यासाठी सरकारची नवी यंत्रणा! आणली १० अंकी क्रमांकाची नवी सिरिज

सोलापुरात येथे देखील भाजप आणि महायुतीच्या कार्यकर्त्यांनी एकत्र येत येथील डॉ. बाबासाहेब आंबेडकर यांच्या पुतळ्यासमोर जितेंद्र आव्हाड यांच्या पोस्टरला काळे फसण्यात आले. तर मीरा भाईंदर येथे देखील भाजप कार्यकर्त्यांनी आंदोलन करत आव्हाड यांच्या फोटोला चपला मारत जोडे मार आंदोलन केले आहे.

धुळे येथेही जितेंद्र आव्हाड यांच्या विरोधात आंदोलन करण्यात आले. या ठिकाणी भाजप कार्यकर्त्यांनी आव्हाड यांचा फोटो कुत्र्याच्या गळ्यात अडकवून त्यांच्या विरोधात घोषणा बाजी केली.

टी-२० वर्ल्डकप २०२४