Investment Scam: जादा परताव्याचे आमिष दाखवून गंडा; टोरेस कंपनीबाहेर गुंतवणूकदारांच्या रांगा, पोलीस बंदोबस्त तैनात

हा प्रकार समोर आल्यानंतर हजारो गुंतवणूकदारांवर आर्थिक संकट कोसळले असून त्यांनी आक्रमक होत कंपनीसमोर ठिय्या दिला आहे. परिसरात तणावाचे वातावरण असून पोलीस बंदोस्त तैनात करण्यात आला आहे. गुंतवणूकदारांमध्ये संतापाची लाट उसळल्याचे पाहायला मिळत आहे. टोरेस कंपनीने लोकांना आकर्षित करण्यासाठी वेगवेगळ्या योजनांची ऑफर देत उच्च परताव्याचे आमिष दाखवले होते. गुंतवणुकीवर आठवड्याला ठराविक टक्केवारीने रक्कम खात्यात जमा होईल, असे सांगण्यात आले होते. यामुळे अनेकांनी मोठ्या प्रमाणात पैसे गुंतवले होते, त्या सर्वांची आता फसवणूक झाली असून मालक पसार झाल्याचे सांगण्यात येत आहे.

HMPV Virus Symptoms: एचएमपीव्ही व्हायरस म्हणजे काय, त्याची लक्षणे काय आहेत आणि सर्वाधिक धोका कोणाला? वाचा

नवी मुंबईतील कार्यालयावर दगडफेक -

कंपनीकडून सुरुवातीला नियमितपणे हफ्ते दिले गेले, मात्र दर आठवड्याला हफ्ते जमा होत असताना देल्या दोन आठवड्यांपासून कंपनीकडून काहीच माहिती दिली जात नसल्याचा आरोप गुंतवणूकदारांनी केला आहे. टोरेस कंपनीच्या दादर येथील कार्यालयाबाहेर लोकांची मोठी गर्दी झाल्याने मुंबई पोलीस देखील दाखल झाले आहेत. कंपनीच्या मुख्य प्रवेशद्वारावर पोलिसांचा बंदोबस्त असून कोणालाही आत सोडले जात नाही.मुंबईसह नवी मुंबई, मिरा भाईंदर येथेही टोरेस कंपनीच्या कार्यालयाबाहेर गुंतवणूकदारांनी गर्दी केली आहे. नवी मुंबईच्या कार्यालयावर तर दगडफेक केल्याचाही प्रकार समोर आला आहे.

खुलेआम बारूद से उडा दूंगा! एकनाथ शिंदेंना जीवे मारण्याची धमकी, तरुणाचा व्हिडिओ व्हायरल

व्याज राहू दे मुद्दल तर परत करा -

गेल्या वर्षभरापासून ही कंपनी मुंबईत विविध ठिकाणी कार्यरत आहे. ग्राहक जेवढी रक्कम गुंतवतील त्याच्या दहा टक्के रक्कम दर आठवड्याला मिळणार असल्याचं कंपनीने सांगितले होते. डिसेंबर २०२४ पर्यंत गुंतवणूकदारांना व्याजाचे हप्ते मिळत होते.

पण गेल्या दोन आठवड्यांपासून हप्ते मिळत नसल्याने तसेच कंपनीकडून काहीच माहिती मिळत नसल्याने गुंतवणूकदारांमध्ये संभ्रमाचे वातावरण आहे.आम्हाला तुमचं व्याज नको. पण आम्ही गुंतवलेले पैसे तेवढे परत करा अशी मागणी गुंतवणूकदार करत आहेत. कंपनीमध्ये नागरिकांची कोट्यवधीची फसवणूक झाल्याचे समोर आले आहे.