मराठवाड्यात काँग्रेसला मोठा धक्का; अशोक चव्हाणांनंतर आणखी एका बड्या नेत्याचा पक्षाला रामराम

धाराशिव जिल्ह्यातील बडे नेते असलेले तसेच काँग्रेसचे प्रदेश कार्याध्यक्ष बसवराज पाटील भाजपमध्ये प्रवेश करणार असल्याच्या चर्चा गेल्या काही महिन्यांपासून सुरू होत्या. अखेर मंगळवारी ते भाजपवासी होण्याचा मुहूर्त मिळाला आहे. सोमवारी पक्षाच्या प्राथमिक सदस्यत्वाचा राजीनामा दिल्यानंतर मंगळवारीच मुंबई येथे उपमुख्यमंत्री देवेंद्र फडणवीस, केंद्रीय राज्यमंत्री भगवंत खुब्बा, प्रदेशाध्यक्ष चंद्रशेखर बावनकुळे यांच्या उपस्थितीत बसवराज पाटील भाजपात प्रवेश करणार असल्याची सूत्रांची माहिती आहे.

'कार्यक्रम करतोच' या वाक्यावरून एकनाथ शिंदे वादात; काँग्रेसनं शेअर केला तो व्हिडिओ

बसवराज पाटील धाराशिव जिल्ह्यातील काँग्रेसचे मातब्बर नेते म्हणून ओळखले जातात. उमरगा तालुक्यातील मुरूमचे रहिवासी आहेत. बसवराज पाटील हे लिंगायत समाजाचे नेते आहेत. माजी केंद्रीय गृहमंत्री शिवराज पाटील चाकूरकर यांचे मानसपुत्र म्हणून ज्यांची ओळख आहे.

 पेटीएमचे सर्वेसर्वा विजय शेखर शर्मा यांचा पेटीएम पेमेंट्स बँकेच्या संचालकपदाचा राजीनामा

बसवराज काँग्रेसचे निष्ठावंत नेते मानले जायचे, औसा मतदारसंघातून २००९ व २०१४ मध्ये विधानसभेवर निवडून गेले होते. १९९९ साली ते उमरग्यातून आमदार म्हणून पहिल्यांदा निवडून गेले. आमदारकीच्या पहिल्याच टर्ममध्ये काँग्रेसने त्यांना राज्यमंत्रीपद दिले होते. मात्र, २०१९ मध्ये अभिमन्यू पवार यांच्याकडून पराभूत झाल्यानंतर बसवराज पाटील हे काँग्रेसमध्ये बाजुला पडले होते. गेल्या काही महिन्यापासून ते काँग्रेस सोडून भाजपमध्ये सामील होणार असल्याच्या चर्चा सुरू होत्या.