मराठी बातम्या  /  महाराष्ट्र  /  Baramati: बारामती येथील एका शेतकऱ्याची कॅमेऱ्यासमोर आत्महत्या, मृत्यूचं कारण धक्कादायक!

Baramati: बारामती येथील एका शेतकऱ्याची कॅमेऱ्यासमोर आत्महत्या, मृत्यूचं कारण धक्कादायक!

Ashwjeet Rajendra Jagtap HT Marathi
Apr 15, 2024 05:16 PM IST

Baramati farmer Dies By Suicide: बारामती येथील शेतकऱ्याने विष प्राशन करून आत्महत्या केली.

बारामती येथील एका शेतकऱ्याने चक्क कॅमेऱ्यासमोर आत्महत्या केल्याने परिसरात खळबळ माजली आहे.
बारामती येथील एका शेतकऱ्याने चक्क कॅमेऱ्यासमोर आत्महत्या केल्याने परिसरात खळबळ माजली आहे.

Baramati farmer Suicide: बारामती येथील लाटे गावातील एका शेतकऱ्याने चक्क कॅमेऱ्यासमोर आत्महत्या केल्याने परिसरात खळबळ माजली आहे. संबंधित शेतकऱ्याने पाटबंधारे विभाग महावितरण विभाग आणि पोलिसांना यांच्यावर गंभीर आरोप करत विष प्राशन केले. मयत शेतकऱ्याच्या भावाने स्थानिक पोलिसांत तक्रार दाखल केली आहे. याप्रकरणी पोलीस अधिक तपास करीत आहेत. या घटनेचा व्हिडिओ सोशल मीडियावर प्रचंड व्हायरल झाला असून दोषींविरोधात कडक कारवाई करण्याची मागणीने जोर धरला आहे.

ट्रेंडिंग न्यूज

हनुमंत सणस असे आत्महत्या केलेल्या शेतकऱ्याचे नाव आहे. बारामती तालुक्यातील लाटेमध्ये सणस यांचे शेत आहे. त्यांच्या शेतामध्ये परिसरातील काही शेतकऱ्यांनी विनापरवाना विद्युतधारक विद्युत पंप बसवलेले, जे सणस यांनी काढायला सांगितले. मात्र, याउलट त्यांना खोट्या प्रकरणात अडकवण्याची धमकी मिळाली. यानंतर सणस यांना पोलिसांचेही फोन येऊ लागले. याच दबावातून सणस यांनी आत्महत्या केल्याचे त्यांचे मोठे भाऊ जयवंत सणस यांनी तक्रारीत म्हटले आहे.

Pune Katraj news : आनंद मेळ्यात मनोरंजनासाठी जाणे मुलाच्या बेतले जिवावर! विजेच्या झटक्याने मृत्यू

आत्महत्यापूर्वी शेतकऱ्याचे मुख्यमंत्र्यांना पत्र

आत्महत्यापूर्वी हनुमंत सणस यांनी फेब्रुवारी महिन्यात मुख्यमंत्री कार्यालयासह उपमुख्यमंत्री, जिल्हाधिकारी, जिल्हा पोलीस अधीक्षक यांसह संबंधित कार्यालयांना निवेदन पाठवले.या निवेदनात त्यांनी सरकारी कर्मचारी, पोलीस आणि गावातील शेतकऱ्यांकडून त्रास दिला जात असल्याचे नमूद केले. तसेच न्याय द्यावा अशी मागणी केली.

Sangli Superstition News : झाडाला आठवडाभर उलटं लटकवलं; अखेर तडफडून झाला मृत्यू, सांगलीत अघोरी प्रकाराने खळबळ

आत्महत्येला कोण जबाबदार?

सणस यांनी न्याय न मिळल्यास आत्महत्या करेल, असा इशारा दिला होता. तसेच माझ्या मृत्युला महावितरणची कोऱ्हाळे बुद्रूक शाखा, वडगाव निंबाळकर जलसंपदा विभाग व वडगाव पोलिस ठाणे तसेच बेकायदेशीररित्या पाणी उचल करणारे लोक जबाबदार असतील, असे त्यांनी निवेदनात नमूद केले होते.

मृत शेतकऱ्याच्या भावाची पोलिसांत तक्रार

सणस यांनी विष प्राशन करून आत्महत्या केल्यानंतर त्यांचे मोठे भाऊ जयवंत सणस यांनी पोलिसात तक्रार दाखल केली. याप्रकरणी सहा जणांविरोधात शिवीगाळ, दमदाटी करत मानसिक त्रास आणि आत्महत्येस प्रवृत्त केल्याप्रकरणी गुन्हा दाखल करण्यात आला. या घटनेने परिसरात एकच खळबळ माजली.

IPL_Entry_Point

विभाग