एक्सप्रेस प्लॅटफॉर्मवर येताच प्रवाशांची उडाली झुंबड, बंद होती दारे; वांद्रे रेल्वे स्टेशनमध्ये कशी झाली चेंगराचेंगरी?

ही घटना रविवारी पहाटे पाच वाजून ५६ मिनिटांनी घडली, अशी माहिती प्रशासनाच्या अधिकाऱ्यांनी दिली आहे. २२९२१ वांद्रे-गोरखपूर अंत्योदय एक्स्प्रेसमध्ये चढण्यासाठी वांद्रे टर्मिनलच्या प्लॅटफॉर्म क्रमांक एकवर मोठ्या संख्येने लोक उपस्थित होते. दिवाळी आणि छठ सणांच्या पार्श्वभूमीवर मुंबईहून उत्तर भारताकडे जाणाऱ्या गाड्यांमध्ये प्रचंड गर्दी असते. रेल्वे सूत्रांनी दिलेल्या माहितीनुसार, जनरल क्लासच्या सर्व २२ डब्यांची रिकामी अंत्योदय एक्स्प्रेस प्लॅटफॉर्म क्रमांक एकवर आणली जात होती.

वांद्रे टर्मिनसवर चेंगराचेंगरी, ९ प्रवासी झाले जखमी, दोघांची प्रकृती गंभीर; व्हिडिओ व्हायरल

ट्रेनमध्ये चढण्याच्या प्रयत्नात अनेक प्रवासी जमिनीवर पडले -

ट्रेनची वाट पाहणाऱ्या प्रवाशांनी ट्रेनमध्ये चढण्याचा प्रयत्न केल्याने परिस्थिती बिघडली. गाडी नुकतीच यार्डातून प्लॅटफॉर्मवर आणण्यात आली होती आणि डब्यांचे दरवाजे आतून बंद होते. सूत्रांनी दिलेल्या माहितीनुसार, ट्रेनमध्ये चढण्याच्या प्रयत्नात काही जण प्लॅटफॉर्मवर पडले. सुरुवातीला बोगी किंवा २ डब्यांच्या मधल्या जागेवर आदळून लोक प्लॅटफॉर्मवर पडल्याचे दिसून येत आहे. साधारणपणे प्लॅटफॉर्मवर ट्रेन थांबल्यानंतर डब्यांचे दरवाजे उघडले जातात आणि प्रवासी ट्रेनमध्ये चढतात.

पुण्यातील चितळे बंधुच्या शॉपवर दरोडा! चोरीची घटना सीसीटीव्हीत कैद

शब्बीर अब्दुल रेहमान (वय ४०), परमेश्वर सुखदार गुप्ता (वय २८), रवींद्र हरिहर चुमा (वय ३०), रामसेवक रवींद्र प्रसाद प्रजापती (वय २९), संजय तिलकराम कांगे (वय २७), दिव्यांशू योगेंद्र यादव (वय १८), मोहम्मद शरीफ शेख (वय २५), इंद्रजित सहानी (वय १९) आणि नूर मोहम्मद शेख (वय १८) अशी त्यांची नावे आहेत, अशी जखमींची नावे आहेत.

दोघांची  प्रकृती चिंताजनक  -

 रेल्वे सुरक्षा बलाचे जवान आणि स्थानिकांनी जखमींना भाभा रुग्णालयात दाखल केले. जखमींपैकी इंद्रजीत साहनी आणि नूर मोहम्मद शेख यांची प्रकृती चिंताजनक आहे. त्यांच्यावर रुग्णालयात उपचार सुरू आहेत. पश्चिम रेल्वेच्या जनसंपर्क विभागाकडून अद्याप कोणतेही अधिकृत वक्तव्य करण्यात आलेले नाही. या घटनेनंतर अंत्योदय एक्स्प्रेस वांद्रे टर्मिनलवरून नियोजित वेळेतच पुढील प्रवासासाठी निघाली.