पुण्यातील येरवडा इथं थरकाप उडवणारी घटना; अनैतिक संबंधातून ठेकेदारावर भर रस्त्यात कुऱ्हाडीने केले वार

रितेश परदेशी असं हल्लात जखमी झालेल्या ठेकेदाराचे नाव आहे. परदेशी हे पुण्याच्या येरवडा येथील जयजवान नगर परिसरात राहतात. उमेश वाघमारे असं हल्लेखोर आरोपी तरुणाचे नाव आहे. सोमवारी सकाळी ११ वाजता परदेशी हे त्यांच्या बाइकवर येरवड्यातील जयजवान नगर येथून जात होते. यावेळी उमेश वाघमारे तिथे आला. त्याने कपड्यांमध्ये कुऱ्हाड लपवली होती. हल्ला करण्यापूर्वी त्याने परदेशी यांना अडवलं व त्यांच्यावर कुऱ्हाडीने वार करण्यास सुरुवात केली.

हल्ला होताच परदेशी यांनी देखील प्रतिकार करत हा हल्ला हाताने थोपवून धरला. यामुळे त्यांचा तोल गेल्याने ते बाइकवरून खाली पडले. यावेळी आरोपी वाघमारे याने परदेशी यांच्यावर अनेक वार केले. यावेळी त्या ठिकाणी उपस्थित असलेले नागरिक मदतीसाठी धावून आले. यामुळे आरोपी वाघमारे हा जमावाला पाहून फरार झाला. नागरिकांनी परदेशी यांना दवाखान्यात भरती केले.

मुंबई-गोवा महामार्ग वाहतूक कोंडीमुळे ठप्प! तब्बल ४ किलोमीटरपर्यंत लागल्या वाहनांच्या रांगा

जखमी रितेश परदेशी व हल्लेखोर उमेश वाघमारे एकमेकांच्या परिचयाचे असून परदेशी यांचे उमेश वाघमारे यांच्या नात्यातील एका महिलेशी अनैतिक संबंध होते. याची कुणकुण उमेशला लागल्याने त्याने परदेशी यांच्यावर हल्ला करत त्यांना जीवे मारण्याचा प्रयत्न केला. या हल्यातून परदेशी हे सुदैवाने वाचले. मात्र, कुऱ्हाडीच्या वारामुळे ते गंभीर जखमी झाले आहेत. या प्रकरणी गुन्हा दाखल करण्यात आला असून आरोपी उमेश वाघमारे याचा पोलिस शोध घेत आहेत.

तुळजापूरमध्ये मस्साजोगची पुनरावृत्ती! सरपंचांच्या गाडीच्या काचा फोडून फेकले पेट्रोलचे फुगे; जिवंत जाळण्याचा प्रयत्न

दरम्यान, आमदार योगेश टिळेकर यांचे मामा सतीश वाघ यांची देखील अनैतिक संबंधातून हत्या झाली होती.  त्यांची पत्नी मोहिनी वाघ हिने तिचा  प्रियकर अक्षय जावळकर याला ५ लाखांची सुपारी देत ही हत्या घडवून आणली होती.